Urukiko Mpanabyaha rwasabwe guhagarika Amaperereza ku byaha by’Uburundi

Abantu 69 barishwe naho 20 barashimutwa 23 bakorerwa iyica rubozo

Ishyirahamwe rishinzwe ikiremwa Muntu CNIDH rirasaba Urukiko mpanabyaha guhagarika amaperereza yi banze yatangiye ku byaha byakozwe mu Burundi kuva mu mwaka w’i 2015.

Iryo shyirahamwe rivuga ko ibyaha byakozwe bitarengereye ubutabera bw’igihugu ,kandi ko Inkiko zo mu Burundi zishobora kubikorera iperereza no kubihana.

Mw’itangazo umukuru w’Ishyirahamwe yasohoye kuri uyu wa gatanu anasaba kandi ko ibihugu byafatiye ibihano Uburundi kubikuraho.

Mur’iryo tangazo, iryo shyirahamwe ryigenga rishinzwe uburenganzi bwa kiremwa muntu rimenyesha ko rishimishwa n’ukuntu umutekano wagarutse mu gihugu cyose. Ariko ryiyama ibitero by’amagerenade byabaye muri uku kwezi kwa’ karindwi mu ntara za kirundo na kayanza, no ku murwa mukuru Bujumbura, hagakomereka abantu barenga 50, abandi 5 nabo bahasiga ubuzima.

Uwo murwi uvuga ko ushimishwa nuko Reta yerekana ko ishaka kujya inama n’abantu bose barebwa n’ibibazo by’ikiremwa muntu mu Burundi baba abakorera ku butaka bw’igihugu no ku rwego mpuzamahanga.

Ishyirahamwe CNIDH ryemeza kandi ko ibyaha byakozwe mu Burundi bitarengereye ubushobozi bw’inkiko z’Uburundi.

Iri tangazo rya CNIDH rije nyuma yaho kw’itariki ya 5 uku kwezi iryo shyirahamwe ryatwaye icyegeranyo cyavuga ko muri aya mezi atandatu ya mbere y’umwaka abantu bagera kuri 69 bishwe, 20 barashimutwa naho 23 bakorerwa iyica rubozo.

CNIDH isohoye uritangazo mu gihe amashyirahamwe yigenga 8 yatangije gahunda y’imisi 100 yo gusaba ubutabera.

Yanditswe na Richard Ruhumuriza/Muhabura.rw