Sweden Na Ireland zinaniwe kwisobanura mu mukino ubanza wo mu itsinda E

Umukino ubanza wo mu itsinda E wahuzaga ikipe ya Sweden na Repubulika ya Ireland urangiye amakipe yombi anganyije igitego 1-1.

Ireland yatanze Swede kwibona mu mukino ndetse ihusha uburyo butandukanye mu gice cya mbere cy’umukino, harimo ubwa Robbie Brady, Jonathan Walters na Shan Long. Nyuma yo gusoza igice cya mbere nta kipe irebye mu izamu ry’indi, Ireland yongeye kugaruka mu gice cya kabiri iri ku rwego rwo hejuru maze ku mupira wa Brady, Wesley Hoolihan atsinda igitego cya mbere. Sweden byayisabye gutegereza umunota wa 71 w’umukino, ku mupira wari uhinduwe na Zlatan Ibrahimovic maze Clark, myugariro wa Ireland ashyizeho umutwe, aritsinda.


Abakinnyi bagaragaye muri uyu mukino ku mpande zombi

Ireland : Randolph ; Coleman , O’Shea , Clark , Brady; McCarthy (McGeady ), Whelan , Hendrick ; Hoolahan (Keane ); Walters (McClean ), Long.

Sweden : Isaksson; Lustig (Johansson), Lindelof , Granqvist , Olsson ; Larsson , Lewicki (Ekdal ), Kallstrom , Forsberg; Berg (Guidetti), Ibrahimovic.

Undi mukino wo muri iri tsinda E ugiye guhuza Ubutaliyani n’Ububiligi guhera saa tatu zuzuye.

Yanditswe na Rukundo Xaver/Muhabura.rw