Sudani y’Epfo: Umunyamakuru afungiye gukora inkuru ku mirwano yongeye kwaduka

Uwashinze ikinyamakuru Khartoum Monitorm, ikinyamakuru cyandikirwa muri Sudani y’Epfo, Alfred Taban, afungiye ahantu hatazwi, bikekwa ko azira inkuru yatangaje ku mirwano yongeye kubura muri icyo gihugu mu byumweru bitatu bishize.

Uwashinze ikinyamakuru Khartoum Monitorm, ikinyamakuru cyandikirwa muri Sudani y’Epfo, Alfred Taban, afungiye ahantu hatazwi, bikekwa ko azira inkuru yatangaje ku mirwano yongeye kubura muri icyo gihugu mu byumweru bitatu bishize. Inkuru bikekwa ko yazize n’iyo yise tuvugishe ukuri yatangaje mbere y’ifatwa rye agaragaza uruhare rwa Perezida Salva Kiir wa Sudani y’Epfo na Visi Perezida we Riek Machar, ku ruhare bagize mu mirwano yongeye kubura muri icyo gihugu. Inkuru bikekwa ko yazize n’iyo yise ’tuvugishe ukuri’ yatangaje mbere y’ifatwa rye agaragaza uruhare rwa Perezida Salva Kiir wa Sudani y’Epfo na Visi Perezida we Riek Machar mu mirwano yongeye kubura muri icyo gihugu.

Iyo nkuru yatumye tariki ya 16 Nyakanga, Alfred Taban ahamagarwa we n’umwanditsi mukuru wungurije w’icyo kinyamakuru Ann Nimiriano wahise arekurwa ariko Taban ntiyongera kugaragara,nkuko ikinyamakuru Jeune Afrique cyabitangaje. Ifungwa rya Taban ryamaganiwe kure n’Umuryango w’Abanyamakuru batagira umupaka, Mu itangazo washyize ahagaragara wagize uti “ Turasaba abayobozi ba Sudani y’Epfo kurekura byihuse Alfred Taban, bagatanga icyizere ko uburenganzira bwe bwitaweho kandi ko abonana na muganga.” Iryo tangazo rikomeza rivuga ko ibyakorewe uwo munyamakuru ari ihungabanywa rikomeye ry’uburenganzira bwa muntu ndetse n’ubw’itangazamakuru nk’umwuga bikomeje kugaragra muri Sudani y’Epfo guhera mu Kuboza 2013, ubwo hadukaga intambara, leta igatangira gushyira igitutu no kubangamira ubwo bwisanzure. Guhera mu ntangiriro z’uyu mwaka, abanyamakuru n’abaharanira uburenganzira bwa muntu muri Sudani y’Epfo bibasiwe ku buryo budasanzwe, ku buryo abanyamakuru babayeho mu buryo buteye ubwoba, nyuma y’uko umunyamakuru John Gatluak Manguet Nhial yishwe mu ntangiriro za Nyakanga ari muri hotel ii Djouba, azizwa ko ari mu bwoko Riek Machar akomokamo bw’aba nuer.

Imirwano imaze ibyumweru hafi bitatu yubuye muri Sudani y’Epfo, hagati y’ingabo zishyigikiye Perezida Salva Kiir na Visi Perezida Riek Machar yaguyemo abantu basaga 300 abasaga ibihumbi 42 bavanwa mu byabo.

Yanditswe na Editor 1/Muhabura.rw