Sudan:Abavandimwe ba Omar al-Bashir nabo batawe muri yombi

Leta ya gisirikare muri Sudan ivuga ko abagabo babiri bavukana n’umukuru w’igihugu aherutse gukurwa ku butegetsi, Omar al-Bashir, batawe muri yombi.

Umuvugizi w’igisirikare , Shams al-Din Kabashi,yatangaje ko icyo ari kimwe mu bigize urugamba rwo kurandurana n’imizi “ibyaranze ubutegetsi bwariho”.

Shams al-Din Kabashi yatangarije aljazeera ducyesha iyi nkuru ko Abdullah na Abbas Hassan al-Bashir batawe muri yombi mu rwego rwo gukomeza guhanagura ibimenyetso n’ubutetsi bwa Bashir.

Yavuze kandi ko imitwe ifite intwaro yakoranaga n’ishyaka ryari ku butegetsi itemewe n’amategeko , ubu iri mu maboko y’igipolisi cyangwa igisirikare.

Gusa mbere y’aho amakuru igisirikare cyatanze aza yunganira ay’abo mu muryango wa Bashir batanze,ni uko uyu mugabo yatawe muri yombi ari muri gereza i Khartoum nyuma y’icyumwe akuwe ku buyobozi.

Yemezwa kandi n’uwahoze ari minisitiri muri iki gihugu utaratangajwe amazina watanagarije Associated Press news agency ko al-Bashir,yajyanwe muri gereza ku wa Kabiri.

Umwe mu barinzi ba gereza ya Kobar yemereye ikinyamakuru Al Jazeera ko ariho Bashir afungiye agira ati”Nabonye Perezida Omar al-Bashir yinjizwamo arinzwe n’abasirikare batabarika”.

Hagati aho, n’ubwo ibyo byose biri gukorwa,abigaragambya barahiye barasizora ko batava mu mihanda mu gihe ubutegetsi butavuye mu maboko y’abasirikare bakuru bagahabwa abasivile.

Nk’uko BBC News ngo magingo aya imyigaragambyo irakomeje i Khartoum hanze y’ibiro bikuru bya gisirikare aho abigaragambya bakomeje kuvuga ko ibyo igisirikare kimaze kubaha bidahagije ari nayo mpamvu iri gutuma baguma mu mihanda n’imbere y’ibiro bya gisirikare kugeza habaye impinduka bifuza ku gihugu.

Yanditswe na Hbarurema Djamali