Ubucamanza muri Repubulika Iharanira Demukarasi ya Congo bwatangaje ko bwakatiye Moise Katumbi, watangaje ko aziyamamaza mu matora, gufungwa imyaka itatu kuko ngo yigabije ndetse akagurisha inzu y’umuturage ufite ubwenegihugu bw’U Bugereki.
Urukiko ruharanira amahoro rwa Lubumbashi rwahamije ibyaha byo kugurisha mu buryo butemewe inzu y’umuturage ukomoka mu Bugereki mu buryo butemewe n’amategeko.
Urubanza rwabaye kuri uyu wa gatatu tariki ya 22 Kamena 2016 umucamanza yemeje kugira ngo Moise Katumbi abashe kugurisha iyi nzu yakoresheje impapuro z’impimbano. Ikirego kikaba cyaratanzwe n’uyu mugereki.
Mu rubanza rwabaye kuri uyu wa mbere abunganira Katumbi mu mategeko bari mu rukiko bahise batangaza ko bajuririye iki cyemezo.
Moise Katumbi amaze ibyumweru bitatu ari ku mugabane w’Uburayi, aho yavuze ko yagiye kwivuriza, nubwo hari ababibona nko guhunga.
Uyu munyepolitike wanigeze kuba guverineri w’intara ya Ka
tanga, asanzwe afite ikindi kirego cyo kwisobanura ku byaha byo kwinjiza abacanshuro mu gihugu.
Nyir’ubwite n’ihuriro ry’amashyaka yamaze kumutangaho umukandida mu matora y’umukuru y’igihugu bavuga koi bi birego bigamije kumubuza amahwemo kugira ngo agamburuke ku mugambi we wo kuzahangana na Perezida Kabila igihe yakongera kwiyamamaza.
Yanditswe na Eddie Mwerekande/Muhabura.rw
