Kuri uyu wa 26 Ugushyingo 2015, Abarwanyi ba Boko Haram bateye agace ka Diffa, barasa ku bantu, 18 bahasiga ubuzima naho ingo 100 ziratwikwa.Ibi byabaye aho inzego z’umutekano zivuga ko aba barwanyi bateye agace ka Gogone, gaherereye mu Majyepfo y’Uburasirazuba bwa Niger bahageze n’amaguru batangira kunyanyagiza amasasu ku baturage nta kurobanura.
AFP dukesha iyi nkuru , ivuga ko abasirikare ba Niger bahise batabara, ariko bahagera abantu 18 bamaze kusasiga ubuzima, 11 bakomeretse, naho ingo zibarirwa mu ijana riratwikwa, gusa hahise hakazwa umutekano muri ako gace nubwo abo barwanyi bahise bambuka umugezi wa Komadougou bahungira muri Nigeria.
Abayobozi b’Umuryango w’Ubukungu w’ibihugu byo muri Afukira yo hagati, CEEAC, kuri uyu wa Gatatu mu nama barimo, batangaje ko hari amafaranga agera kuri miliyoni 80 z’Amadorali ya Amerika yo guha ibihugu bituranye na Nigeria ngo bihangane n’imitwe y’iterabwoba.
Yanditswe na Ubwanditsi/Muhabura.rw
