Musanze – Burera: Barasaba gusimburizwa amapoto y’umuriro yashaje

Nta kwezi kurashira mu Murenge wa Kimonyi mu Karere ka Musanze humvikanye urupfu rw’umwana wakoze ku ntsinga z’umuriro w’amashanyarazi z’ipoto yari yahirimye kubera gusaza.

Muri aka gace higanje amapoto y’amashanyarazi yo mu biti byamunzwe n’umuswa, abaturage bakaba bavuga ko bibateye impungenge. 

Mu kagari ka Karinzi ko mu Murenge wa Kagogo mu karere ka Burera amapoto y’umuriro yarahirimye, andi abaturage bayateze inkingi.

Umuyobozi w’Ishami Rishinzwe Gukwirakwiza Ibikoresho no Gusana mu Kigo cy’Igihugu Gishinzwe Ingufu REG Fred Kagabo we avuga ko hari gahunda yo gusimbuza aya mapoto mu bice bitandukanye by’igihugu.

Ikibazo cy’amapoto y’ibiti yashaje mu turere twa Musanze na Burera, abaturage bavuga ko bamaze imyaka irenga itanu bakigaragaza.

 

Hatagize igikorwa hakiri kare, ayo mapoto ashobora guteza impfu z’abantu n’igihombo cyava mu nkongi yaterwa n’amashanyarazi.