Mu mafoto: Abarimu 20 b’I Rulindo bahuguwe uburyo bwo kwita ku bana b’Inshuke

Abarimu 20 bigisha abana b’Inshuke mu karere ka Rulindo bahawe amahugurwa y’iminsi itatu kuva ku ya 31 Gicurasi kugeza ku wa 02 Kamena 2016, aya mahugurwa akaba yaratanzwe n’impuguke ziturutse muri kaminuza ya Haute Ecole Provinciale yo mu Bubiligi Binyujijwe muri APEMR ( ihuriro ry’abarezi n’abarimu bigisha abana b’inshuke mu karere ka Rulindo).

Muri aya mahugurwa abarimu bigisha abana b’Inshuke beretswe uburyo bashobora kwigisha umwana ukiri muto hifashishijwe ibikoresho bitagurwa cyangwa ngo bigorane kuba wabibona , aha kandi aya mahugurwa agamije gutegura abarimu bigisha abana b’inshukeku buryo bw’Umwuga nk’Uko Nkeshimana Faustin uhagarariye APEMR (Association pour la Promotion de l’Enseignement Maternelle a Rulindo) yabitangarije Muhabura.rw. Iyi kaminuza yo muri Beligique, ifite amasezerano y’imikoranire n’Akarere ka Rulindo mu burezi bw’abana b’inshuke.

Mu mafoto uko abarimu basobanuriwe uko wakwigisha umwana ukiri muto

Abarimu beretswe uburyo ushobora guhanga imfashanyigisho zidasaba amafaranga yo kuzigura
Nkeshimana Faustin Umuyobozi mukuru w’Ihuriro APEMR nawe yashimiye byimazeyo Leta y’u Rwanda by’Umwihariko akarere ka Rulindo kemeye gutera inkunga no gushyigikira iri huriro

Gerrard waje ayoboye ikipe yoherejwe na Kaminuza ya Haute Ecole yo mu Bubiligi


Abarimu berekwaga uburyo ushobora kwigisha umwana muto ukoresheje ibishushanyo

Yanditswe na Akayezu Snappy/Muhabura.rw