Kuva mu kwezi kwa 4 kugeza mu kwezi kwa 6 u Rwanda rwahombye miliyoni 48 z’amadorari – Abafungwa bashya bafatiwe Ingamba – Minisitiri Soraya

Minisitiri w’ubucuruzi Soraya Hakuziyaremye hamwe na Minisitiri w’ubuzima Dr Daniel Ngamije Mu kiganiro n’abanyamakuru cya baye kuri uyu wa mbere, bavuze ko ubu bageze ku bushobozi bw’ibitanda by’abarwayi 3,000 biri ahantu 5 hagenewe kuvura abarwayi ba Covid-19 mu Rwanda. Ariko ngo Gusa ibi nti byabujije u Rwanda guhomba miliyoni 48 $ z’amadorari ku bera Inama rwa kiraga rukaba rutacyizakira kubera icyorezo cya COVID-19.

Minisitiri w’ubucuruzi Soraya Hakuziyaremye yabwiye abanyamakuru ko mu mibare bakiri kwegeranya basanze kuva mu kwezi kwa kane kugeza mu kwa gatandatu u Rwanda rwarahombye miliyoni 48 z’amadorari ava ahanini mu nama mpuzamahanga.

Madamu Soraya avuga kandi ko kubera iki cyorezo ubukungu bw’u Rwanda butazazamuka ku kigero bwariho mu myaka 10 cyangwa 15 ishize kuko buzazamuka kuri 2%.

Gusa avuga ko hari ikizere ko ubukungu buzongera kuzahuka kuko hari ibikorwa biri kongera gufungurwa, harimo n’ikibuga cy’indege.

Minisitiri Dr Ngamije yavuze ko imiyoborere myiza, ubufatanye ndetse n’ukwiyubaka k’urwego rw’ubuzima biri mu byafashije u Rwanda

Minisitiri w’ubuzima Dr Daniel Ngamije Abajijwe niba u Rwanda rwiteguye gukomeza kwakira abarwaye Covid-19 mu gihe imibare ikomeza kuzamuka, Dr Daniel Ngamije yavuze ko ubwo bushobozi bwagiye bwiyongera.

Avuga ko u Rwanda rwanze ko abarwaye Covid-19 bajya kwivuriza mu mavuriro asanzwe kugira ngo batanduza abo bahasanze n’abaganga, bashyiraho aho kubavurira byihariye.

M inisitiri w’ubuzima w’u Rwanda Ati: “Uko abarwayi bagiye biyongera twavuye ku bitanda 300 cyane cyane i Kigali, ubu tugeze ahantu hatanu ho kubavurira aho dufite ubushobozi bw’ibitanda birenga 3,000 mu gihugu”.

Minisiteri y’ubuzima ivuga ko kugeza ubu hamaze kuboneka abantu 1,582 banduye coronavirus muri bo 743 baracyarwaye naho batanu yarabishe.

Dr Ngamije avuga ko bari bakoze ingengo y’imari ya miliyoni 73 z’amadorari ya Amerika (arenga miliyari 70 mu mafaranga y’u Rwanda) y’amezi atandatu agenewe ibikorwa byo kurwanya Covid-19.

Ati: “…Kuvura, gusuzuma, kwita ku barwayi ku buntu n’ibindi ni ibintu bihenze cyane, ukongeraho n’ibyo leta iri kubura kubera iki cyorezo, nabyo ni ibindi bigomba kubarwa muri ibyo byose”.

Ngamije avuga ko ku ngengo y’imari bari bateganyije ubu bamaze gukoresha agera kuri miliyoni $60 mu mezi ane ashize.

Kuwa tariki 29 z’ukwezi gushize kwa gatandatu abantu bagera ku 150 bafungiye muri cachot za polisi babasanzemo coronavirus nk’uko imibare ya minisiteri y’ubuzima ibigaragaza.

Minisitiri w’ubuzima yavuze ko ubu abafashwe na polisi mbere yo kunyanwa muri cachot bazajya babanza gushyirwa mu bigo yise ’transit sites’ bagasuzumwa Covid-19.

Ati: “Na bagenzi be asanze muri cachot nabo bazajya basuzumwa, abanduye bajyanwe aho tubavurira, abasigaye bazima bahuzwe n’abaturutse muri ’transit sites’ batanduye.”

Umuvigizi wa polisi y’u Rwanda komiseri John Bosco Kabera we asaba abantu kwirinda iyo ndwara kuko ngo abafungwa ari bo bayijyana muri cachot.

Minisitiri Soraya Hakuziyaremye yavuze ko ubucuruzi bwagizweho ingaruka na Coronavirus

Salongo Richard/MUHABURA.RW Amakuru Nyayo