Ishyirahamwe ry’Umupira w’Amaguru mu Rwanda (FERWAFA) ryahinduye ikibuga n’amasaha ikipe ya Rayon Sports igomba kwakiriraho Police FC ku munsi wa 20 wa shampiyona y’icyiciro cya mbere mu Rwanda.
Uyu mukino uteganyijwe kuri uyu wa Gatandatu tariki 30 Mata 2016, wagombaga kubera kuri Stade ya Kicukiro saa 15:30 ariko nyuma yo gusanga icyo kibuga ari gito nta bushobozi gifite bwo kuwakira wimuriwe kuri Stade ya Kigali saa 18:00. Ni mukino uzabanzirizwa n’uzahuza AS Kigali idahagaze neza muri iki gihe na AS Muhanga iherutse gutsindwa umukino wa mbere kuva imikino yo kwishyura yatangira.
APR FC ya mbere ku rutonde rwa shampiyona iherutse gukura amanota atatu kuri Bugesera FC izaba yasubiye mu Burasirazuba gusura Rwamagana City irimo kurwana no kutamanuka mu cyiciro cya kabiri ikaba yaranihagazeho imbere ya Police FC mu mukino uheruka iyikuraho inota rimwe i Kigali.
Imikino yose y’umunsi wa 20 wa shampiyona
Tariki ya 30 Mata 2016
Amagaju FC vs Bugesera FC- Nyamagabe
Rwamagana City FC vs APR FC- Rwamagana
Musanze FC vs Espoir FC- Nyakinama
Rayon Sports vs Police FC- Stade ya Kigali
Marines vs SC Kiyovu- Umuganda
Sunrise FC vs Mukura VS- Rwamagana
AS Kigali vs AS Muhanga- Nyamirambo
Gicumbi FC vs Etincelles – Gicumbi
Yanditswe na Akayezu Snappy/Muhabura.rw
