Ikipe y’u Rwanda yageze ku mukino wa nyuma mu mikino y’Afurika

Ikipe y’u Rwanda mu bahungu batarengeje imyaka 18 mu mukino wa Handball nyuma yo kubona itike yo kuzitabira    imikino y’igikombe cy’Isi  « IHF Men’s Youth World Championship 2023 » yongeye gukora amateka igera ku mukino wa nyuma w’imikino y’Afurika « U-18 African Men’s Handball Championship Rwanda 2022 ».

Kuri iki Cyumweru taliki 04 Nzeri 2022 ni bwo habaye imikino ya ½ cy’irangiza, ikipe y’u Rwanda yitwaye neza  igera ku mukino wa nyuma itsinze Maroc ibitego 35 kuri 34.

Ku mukino wa nyuma iyi kipe y’u Rwanda ikaba izahura na Misiri  na yo yitwaye neza igatsinda ikipe y’u Burundi bitayigoye ibitego 66 kuri 22.

Uyu mukino wa nyuma biteganyijwe ko uzaba ku wa Kabiri taliki 06 Nzeri 2022 muri BK Arena guhera saa moya (19h00). Mbere y’uyu mukino wa nyuma   hazakinwa umukino wo guhatanira umwanya wa 3 uzahuza ikipe ya Maroc n’u Burundi (17h00).

Hagiye kuba imikino yo guhatanira imyanya

Kuri uyu wa Mbere taliki 05 Nzeri 2022, imikino y’Afurika mu batarengeje imyaka 18 irakomeza hakinwa imikino yo guhatanira imyanya.

Ikipe ya Libiya irakina na Madagascar mu guhatanira umwanya wa 7. Itsinda irawegukana itsinzwe ifate umwanya wa nyuma wa 8. Umukino urabera muri BK Arena saa kumi n’imwe (17h00).

Nyuma y’uyu mukino, ikipe ya Uganda irakina na Algeria mu guhatanira umwanya wa 5. Ikipe ibasha gutsinda irawegukana naho itsinzwe ifate umwanya wa 6. Uyu mukino uratangira saa moya (19h00).

 

Misiri 66-22 Burundi

Maroc 34-35 Rwanda

Taliki 05-09-2022

Imikino yo guhatanira imyanya

Umwanya wa 7

Libiya-Madagascar (BK Arena-17h00)

Umwanya wa 5

Uganda-Algeria (BK Arena-19h00)

Subiza

Email Yawe Ntiribugaragazwe