Cote d’Ivoire: Perezida mushya w’iki guhugu yamaze kumenyekana muri iki gitondo

Alassane Ouattara w’imyaka 73 yongeye kugirirwa ikizere n’abaturage ba Cote d’Ivoire akaba yatorewe kuyobora iki gihugu muri manda itaha ikaba izamara myaka itanu nk’uko amajwi y’agateganyo abyerekana ko ari we wegukanye insinzi n’akayabo k’amajwi asaga 83.6 % by’abaturage ba Cote d’Ivoire.

Muri iki gitondo cyo kuri uyu wa Gatatu tariki 28 Ukwakira nibwo Komisiyo yigenga ishinzwe amatora yatangaje ko Alassane Ouattara, yatsinze amatora yo kuwa 25 Ukwakira 2015 by’agateganyo ku kigero cy’amajwi 83,66%. Uyu Ouattara Alassane akaba yatsinze uwo bari bahanganye kuri uyu mwanya Affi N’Guessan wabonye amajwi 9,29%.

Aya matora ku kigero cya na 54,63% by’abari gutora ni ukuvuga abasaga gato miliyoni eshatu muri esheshatu n’ibihumbi 301 byari byiyandikishije.

Ouattara yageze ku butegetsi muri 2010 atsinze Perezida Gbagbo mu matora yakurikiwe n’imvururu zaje guhitana ubuzima bw’abasaga ibihumbi bitatu.

Yanditswe na Ubwanditsi/Muhabura.rw