Amakipe ya APR mu Bagabo n’abagore yegukanye irushanwa [ AMAFOTO]

APR BBC yatsinze Patriots BBC amanota 80-63 na ho APR W BBC itsinda REG W BBC amanota 86-81, amakipe yombi yegukana irushanwa ryo Kwibuka ku nshuro ya 30 Abakinnyi, abatoza n’abakunzi b’Umukino wa Basketball bazize Jenoside yakorewe Abatutsi mu 1994.

Ku wa Gatandatu tariki 20 Mata 2024 muri BK Arena ni bwo hakinwe imikino isoza mu bagabo n’abagore muri iri rushanwa ryatangiye ku wa Gatanu tariki 19 Mata 2024.

Umukino wa nyuma mu bagabo, watangiye Patriots BBC itsinda amanota ariko ntibyarambye kuko APR BBC yahise itangira gutsinda amanota menshi ibifashijwemo na Ntore Habimana na William Robeyns.

Agace ka mbere karangiye Ikipe y’Ingabo iyoboye umukino n’amanota 25 kuri 17 ya Patriots BBC.

Mu gace kabiri, APR BBC yakomeje gukina neza mu gace ka kabiri, William na Dario Hunt batsindaga amanota menshi. Iyi kipe yari yahinduye abakinnyi ariko ikomeza kuyobora umukino.

Umukino wanyuma mu bagabo, watangiye Patriots BBC itsinda amanota ariko ntibyarambye kuko APR yahise itangira gutsinda amanota menshi ibifashijwemo na Ntore Habimana na William Robeyns.

APR BBC yakomeje gukina neza mu gace ka kabiri, William na Dario Hunt batsindaga amanota menshi. Iyi kipe yari yahinduye abakinnyi ariko ikomeza kuyobora umukino.

Ku rundi ruhande, Ndizeye Dieudonné na Hagumintwari Steven gutsinda  ntibyakundiye bituma amanota ya Patriots aba make.

Igice cya Mbere cyarangiye APR BBC yatsinze Patriots BBC ikinyuranyo cy’amanota 15 (44-29).

Mu gace ka gatatu, Patriots BBC yasubiranye imbaraga, Turatsinze Olivier na Frank Kamdoh bagabanya ikinyuranyo kigera mu manota 10 (34-44).

Umutoza wa APR, Mazen Trakh yahise asubiza mu kibuga Noel Obadiah, Ntore Habimana na William kugira ngo ikipe itabigaranzura.

Aba bakinnyi bahise bafashe iyi kipe kongera gukanguka, agace ka gatatu karangiye iyoboye umukino n’amanota 62-43.

Mu gace ka nyuma, Ikipe y’Ingabo yashimangiye intsinzi yayo ari na ko abatarabonye umwanya nka Chris Ruta na Dan Kimasa bagiye mu kibuga.

Umukino warangiye APR BBC itsinze Patriots BBC amanota 80-63 yegukana Irushanwa ryo Kwibuka 30 isimbuye REG BBC yatwaye igiheruka muri 2019.

Mu bagore APR W BBC yegukanye igikombe nyuma yo gutsinda REG W BBC amanota amanota 86-81, aho hitabajwe iminota itanu y’inyongera kuko 40 isanzwe yari yarangiye amakipe yombi anganya amanota  72-72.

Igikombe giheruka cyatwawe na IPRC Kigali muri 2019.

Kantore Sandra wa APR W BBC yatsizemo amanota menshi (19).