Abakinnyi 10 bakina mu Bwongereza bakize kurusha abandi

Shampiyona y’Umupira w’amaguru y’Igihugu cy’Ubwongereza ni yo ya mbere ibamo amafaranga menshi ku mugabane w’i Burayi. Nyamara urutonde rw’abakinnyi bakize ku isi ntiruruyobowe n’abakinnyi bo muri iyi shampiyona. Usanga ari ba Christiano Ronoldo na Lionel Messi bikinira muri Espanye. Wayne Rooney ukinira akanaba kapiteni w’ ikipe ya Manchester United ndetse na Eden Hazard wa Chelsea nibo baza bayoboye abandi muri Iki gihugu cy’Ubwongereza

Dore uko bakurikirana amafaranga abaze mu mapawundi (pound)

10. Alexis Sanchez (miliyoni 20.8)


Alex Aliandro Sanchez ni umunya Chile ukinira ikipe ya Arsenal. Yahageze avuye muri FC Barcelona yo muri Espanye. Uretse umushahara mwiza ahembwa na Arsenal, andi mafaranga yinjiza ava mu masezerano afitanye n’uruganda rukora imyambaro rwa NIKE

9. John Terry (miliyoni 34.7)



Ni umwongereza ukinira ikipe ya Chelsea FC akaba anayibereye kapiteni ndetse yanabaye kapiteni w’Ubwongereza mu myaka yashize. Ni umwe bu banyabigwi ba Chelsea kubw’ igihe ayimazemo ndetse n’umusaruro yayigejejeho.


8. Sergio Aguero ( miliyoni 34.7)


Sergio Kun Aguero ni umunya Argentina ukinira ikipe ya Manchester City. Hejuru y’umushahara wo kurwego rwo hejuru, ibihumbi 220,000 by’amapawundi ku cyumweru, abona andi mafaranga menshi akura mu mikoranire ye n’inganda nyinshi nka PEPSI, PUMA na EA.

7. Mesut Ozil (miliyoni 34.7)


Ni umudage ukinira ikipe ya Arsenal. Yayijemo avuye muri Real Madrid yo muri Espanye. Akaba ariwe mu kinnyi wahenze ikipe ya Arsenal mu mateka Ahembwa ibihumbi 140,000 ku cyumweru. Uyu kandi yamamariza uruganda rwa ADIDAS, ibi hamwe n’uburyo akomeje kuba icyamamare mu gihugu cye bituma abona amafaranga menshi.

6. Juan Mata (miliyoni 38.2)


Uyu munya Espanye akinira ikipe ya Manchester United gusa yamenyekanya muri Chelsea mbere y’uko aza aha. Ni umwe mu bakinnyi bahembwa neza. Na we kandi yamamariza ADIDAS. Akabana ambasaderi w’ imikino y’amashusho, Assassin’s Creed. Uyu kandi anafite impamyabushobozi nyinshi zirimo ni ya Maitrise mu Itangazamakuru.


5. David Silva (milliyoni 38.2)


Uyu mu nya Espanye akinira ikipe ya Manchester City. Ni umwe mu nkingi za mwamba muri iyi kipe ndetse no mu ikipe y’igihugu ya Espanye. Uretse kuba Manchester City ihemba neza, uyu na we akorana na ADIDAS hamwe n’izindi kampani z’iwabo muri Espanye.


4. Yaya Toure (miliyoni 48.6)


Ni umunya Cote D’ Ivoire ukinira ikipe ya Manchester City. Uyu ni we munya Afrika rukumbi ugaragara kuri uru rutonde. Ni umunyabigwi muri iyi kipe kuko ntawe utazi uburyo yayihetse akayigeza kuri byinshi. Uretse umushahara w’ikirenga ahabwa, na we akorana na PUMA, NISSAN n’ibindi nko kuba ambasaderi wa Airtel muri Afrika.

3. Bastian Schweinsteiger ( miliyoni 55.5)


Uyu Mudage ukinira Manchester United we ntitwavugako umutungo we ukomoka mu bwongereza kuko ataranahamara umwaka. Ni umuntu w’ingenzi muri ruhago y’ubudage by’umwihariko muri Buyern Munich. Ahembwa ibihumbi 200,000 ku cyumweru akaba anakorana na ADIDAS kimwe na DR Dre

2. Eden Hazard ( miliyoni 69.4)



Uyu Eden Hazard akinira ikipe y’igihugu cye cy’Ububirigi ndetse akaba akinira ikipe ya Chelsea, N’ubwo uyu mwaka w’imikino utamuhiriye, twabibutsa ko umwaka washize yari umukinnyi witwaye neza kurusha abandi muri iki gihugu cy’ubwongereza. Amasezerano ye muri iyi kipe arikugana ku musozo bikaba bivugwako yakongerwa akajya ahabwa ibihumbi 225,000 ku cyumweru. Uyu musore ukorana na NIKE hamwe na EA sports, biranashoboka ko yajya muri Real Madrid cyangwa PSG.


1. Wayne Rooney niwe uyoboye abandi na miliyoni 86.8



Uyu mwongereza ukinira Manchester United, uretse kubarusha agafaranga, bisa nk’aho ari nawe muntu ukomeye mubakinnyi bakina muri iki gihugu. Ni kapiteni w’ikipe y’igihugu akaba ari nawe kapiteni wa Man.U. Ahembwa umurengera w’amafaranga, ibihumbi 250,000 ku cyumweru. Aya yiyongera kuyo akura mu masosiyete bakorana nka: EA video game series, FIFA, kuva muri 2005, Ford, Samsung na HarperCollins.


Yanditswe na Rukundo Xaver/Muhabura.rw