Abantu 8 bamaze gupfa abandi 2750 barakomereka mu gihugu cya Libani

Abantu 8 bamaze gupfa abandi 2750 barakomereka mu gihugu cya Libani, nyuma yo guturikanwa n’ibikoresho by’itumanaho byakoreshwaga n’abarwanyi ba Hesbollah.

Ibitangazamakuru byo muri iki gihugu bivuga ko iri turika ryabaye mu Majyepfo y’Umurwa Mukuru Beirut no mu bindi bice bikorerwano n’aba barwanyi. 

Umwe mu bayobozi b’umutwe wa Hezbollah, yabwiye Reuters ko iki gikorwa aricyo gitero cya cya mbere gikomeye gikorewe uyu mutwe, kuva uyu mutwe watangira imirwano n’igihugu cya Israel.

Umutwe wa Hesbollah ukaba wabyegetse ku butegetsi bwa Israel, gusa ubu Israel ntacyo iravuga kuri ibi ishinjwa.

Hezbollah iravuga ko abarwanyi bayo babiri bari mu bapfuye, ikaba yahise inatangaza ko izihimura kuri Israel.

Amakuru ava muri iki gihugu aravuga ko iri turitswa ry’ibi bikoresho ryamaze isaha yose.

Minisitiri w’Ubuzima wa Libani, Firass Abiad yavuze ko mu bantu 2750 bakomeretse, abarenga 200 bakomeretse mu buryo bukomeye.

Yakuza ko abenshi mu bakomeretse ari abarwanyi ba Hesbollah.

Yavuze ko umwe muri aba barwayi bishwe ari umuhungu w’umwe mu Badepite bakomoka muri Hesbollah witwa Ali Ammar.