Christiano Ronaldo yaciye agahigo katari kagerwaho n’undi mukinnyi muri UEFA Champions league

Mu mukino uherutse guhuza ikipe ye ya Real Madrid na Wolfsburg yo mu Budage, Christiano yatsinze ibitego bitatu (Hat-trick) maze ashyiraho agahigo ko gutsinda Hat-trick nyinshi muri UEFA Champions League muri season imwe. Uretse ibi kandi ni nawe umaze gutsinda ibitego byinshi mu mateka y’iri rushanwa muri rusange.

Kuri ubu yagize ibitego 16. Harabura igitego kimwe ngo akureho agahigo yari yarishyiriyeho umwaka wa 2012/2014 ubwo yarangizaga afite ari uwa mbere na17. Uretse iyi nshuro , uyu mugabo w’imyaka 31 ahandi yagiye aba uwa mbere ni muri 2007/08 (ibitego 8), 2012/13 (ibitego 12), 2013/14 (ibitego 17) na 2014/15 ubwo yanganyaga ibitego na Lionel Messi hamwe na Neymar (ibitego 10). Aganira n’itangazamakuru ntiyashatse kuvuga byinshi yagize ati: “ryari ijoro ry’agatangaza.” Kuri ubu ararusha mukeba we w’ibihe byose Lionel Messi Ibitego 10 muri UEFA Champions league; C.Ronaldo 93, L.Messi 83. Aba bagabo ariko banganya hat-tricks, buri umwe amaze gutsinda eshanu.

Abamaze gutsinda byinshi muri UEFA Champions Leagueariko season imwe.

2013/14: Cristiano Ronaldo (Real Madrid) 17

2015/16: Cristiano Ronaldo (Real Madrid) 16

2011/12: Lionel Messi (Barcelona) 14

2012/13: Cristiano Ronaldo (Real Madrid) 12

2011/12: Mario Gomez (Bayern) 12

2010/11: Lionel Messi (Barcelona) 12

2002/03: Ruud van Nistelrooy (Manchester United) 12





Yanditswe na Rukundo Xaver/Muhabura.rw