Uretse kuzamura amatike, n’umutekano wakajijwe ku mukino udasanzwe muri Uganda.

Ingamba zikomeye z’umutekano zafatiwe mu nama yahuje Police na FUFA ku bijyanye n’umukino wo kuri icyi cyumweru cyo kuwa 04 Nzeri, aho I Kampala Uganda Cranes izakira ibirwa bya Comore ku I saa 5:00 pm muri Uganda.

Ni umukino umukino uzabere kuri Nelson Mandela National Stadium (Namboole) Uganda ikaba isabwa kuwutsinda maze ikerekeza mu mikino ya nyuma y’igikombe cya Africa, CAN 2017.

Ibiciro by’amatike na byo byatangajwe. Byazamutse kuko ubu kwinjira ahasanzwe azaba ari amashiringi ya Uganda 25,000 (bivuye kuri 20,000), VIP ni 60,000 (bivuye kuri 50,000) naho VVIP ikaba 150,000 (bivuye kuri 120,000).

Ibi ni ibyatangajwe na Senior Superintendent wa Police, Emirian Kayima mu kiganiro FUFA (Federation of Uganda Football Associations) yagiranye n’abanyamakuru kuri uyu wa gatatu I Mengo mu nzu ikorerwamo na Fufa, Iyi nama yanitabiriwe na Bernard Patrick Ogwel nk’umuyobozi wa komite insinzwe gutegura imikino mpuzamahanga muri FUFA [FUFA International Match Organizing Committee (IMOC)]

Kayima yagize ati “abafana bogomba kuba bacunzwe bikomeye mbere na nyuma y’umukino. Twarabiteguye bihagije yaba abapolice kimwe n’izindi nzego z’umutekano biteguye akazi I Namboole”. Yanagiriye inama abafana yo kwitwararika cyane kwirinda ibikoresho byabangamira inzego z’umutekano.


Senior Superintendent wa Police, Emirian Kayima

Ni umukino washyuhije abanya Uganda na Afurika y’uburasirazuba muri rusange dore ko Uganda Cranes nitsinda uyu mukino bazahita babona itike yo kwerekeza muri CAN 2017 izabera muri Gabon.


Yanditswe na Lucky van Rukundo/Muhabura.rw