Umunyamabanga Nshingwabikorwa wa NCPD arasaba abubaka kwigira ku mujyi wa Kigali mu kugena imyubakire ibereye bose

Nyuma y’aho hemerejwe amahame mashya ajyanye n’imyubakire ku mihanda n’izindi nyubako ku buryo bujyanye n’uburenganzira bwa buri wese, Inama y’Igihugu y’Abantu bafite ubumuga(NCPD) irashimira Ubuyobozi w’Umujyi wa Kigali ku bikorwa remezo bitandukanye usanga byubahiriza uburenganzira bw’abafite ubumuga ari nako basaba abafite aho bahurira n’ibi bose kuba maso kuko hari abatarabyumva.

Ibi byavuzwe n’umunyamabanga nshingwabikorwa wa NCPD Emmanuel Ndayisaba, ubwo we n’itsinda bari kumwe basuraga inyubako y’Ibiro by’umujyi wa Kigali, hamwe n’umuhanda mushya wubatswe uva ku biro by’umujyi wa Kigali ujya kuri Serena Hotel maze bagasanga uko izo nyubako zubatswe bihuye neza n’uko biteganyijwe ku buryo abafite ubumuga babona serivise biboroheye


Umuhanda mushya wubatswe uva ku biro by’umujyi wa Kigali ujya kuri Serena Hotel ubereye bose

Emmanuel Ndayisaba akaba yanaboneyeho gusaba ubuyobozi bw’umugi wa Kigali kuba maso kuko hari abigira ntibindeba bakazamura inyubako zabo birengagije ko n’abafit ubumuga bakenera service batanga.

Ni nyuma y’aho hari amahoteli, amasoko, imihanda n’izindi nyubako zitandukanye hirya no hino mu Rwanda bitungwa agatoki ku kuba batumva icyo Leta yabasabye bakomeza kubaka inyubako zidahite uko zorohereza abafite ubumuga.

Umukozi w’Umujyi wa Kigali ushinzwe kugenzura imyubakire, Peace Ababo yatanzi icyizere avugako imyubako za kera usanga arizo zitubahirizaga uburenganzira bw’abantu bafite ubumuga ariko ubu inzego z’umugi wa Kigali zahagurukiye ibyo bibazo kuburyo bitazongera kubaho. N’aho byabaye bakaba bagiye kujya bahabwa igihe nibura cy’amezi atandatu kugira ngo bakosore imyubakire yabo batange amahirwe angana kubanyarwanda yo kubona serivise.

Yanditswe na Lucky van Rukundo/Muhabura.rw

Subiza

Email Yawe Ntiribugaragazwe