Umugabo yapfuye nyuma y’akanya gato umugore we amaze kwibaruka

ku mugoroba w’uyu wa kabiri tariki 9 Kanama 2016 ubwo umugabo witwa Kibibi Fred, yapfuye nyuma y’akanya gato umugore we Jacky amaze kwibaruka.

Nyakwigendera Kibibi Fred yitabye Imana avuye kureba umugore we wabyariye mu bitaro bya Nyirinkwaya.

Nyuma yo kugera iwe mu rugo ni bwo yahise yitaba Imana. kugeza ubu ntiharamenyekana icyo Kibibi yazize gusa ngo yavuye gusura umugore we mu bitaro, ataha avuga ko yumva ananiwe cyane.

Kibibi yaje kugera mu rugo iwe, mu gihe ari ku meza (arimo kurya), agwa hasi, umwuka urahera, ako kanya bamujyana kwa muganga ariko atagihumeka.

Ibyakabaye ibyari mu kwishimira uruhinja bibarutse byahise bihindura isura mu muryango we ubu amarira ni yose mu gihe bari kuba bavuza impundu ! Imana imuhe iruhuko ridashira


Nyakwigendera Kibibi Fred,

Yanditswe na Sarongo/Muhabura.rw

Subiza

Email Yawe Ntiribugaragazwe