Uganda: Umuyobozi wa Kabale yumva ko u Rwanda rugomba gufungurira imipaka abagizi ba nabi

Abayobozi b’u Rwanda bashyikirije umurambo w’umugande wacuruzaga magendu wapfuye arikumwe na bagenzi be bagabye igitero ku irondo ry’umutekano mu Rwanda, bituma bamurasa mu rwego rwo kwirwanaho.

Mu cyubahiro cyuzuye U Rwanda rwashyikirije umurambo abayobozi ba Uganda bitandukanye n’Abanyarwanda bicirwa muri Uganda nta mpamvu, ndetse nabashimutwa, abakorerwa iyicarubozo, no kujugunywa na CMI ntibigera babonwa na bene wabo.

imbuga zisanzwe zikwirakwiza icengezamatwara ya Uganda, zirimo Chimpreports nkuko bisanzwe zashyizeho inkuru zuzuyemo ibitutsi byo gusebta u Rwanda.

Ibyo byaje bikurikiye ishyikirizwa ry’umurambo umuyobozi w’akarere ka kabale , umurambo wa Justus Kabagambe wacuruzaga magendu wa wishwemu ijoro ryo ku ya 23 Kanama, uku kwezi biturutse ku bikorwa bye. Uyu mugabo na bagenzi be umunani bari bagerageje kwinjiza magendu zirimo kanyanga n’amakarito y’amavuta yo kwisiga atemewe akoreshwa mu guhumanya uruhu, Igihe irondo ry’umutekano ryabahagarikaga, maze ribategeka guhagarara batangira ibikorwa by’urugomo.

ibitangazamakuru bya Uganda ryahisemo kubeshya ko yari “umucuruzi”, bigerageza kweza magendu kugira ngo bise nkaho ari umuntu wubahiriza amategeko.

Ibitangazamakuru byose bya Kampala byongeye kuvuga ko ibyabaye bisibye andi makuru y’ingenzi, nko kuba abacuruza magendu bahitamo gukora urugendo rwijoro, nyamara ibitero by’iterabwoba mu Rwanda byaturutse muri iyo nzira mbi.

ukuri kwonyine kwatumye abategetsi ba Kigali bavuga bati: “Aho umutekano w’u Rwanda ureba, ushobora kwizerwa ijana ku ijana ko tuzaba maso cyane!”

Urubuga ruyobowe na CMI rwasubiyemo Nelson Nshangabasheija, umuyobozi wa Kabale LC5, avuga ko “yagaragaje ko atishimiye ibikorwa by’u Rwanda byo kurasa abacuruzi bo muri Uganda bagerageza kwambuka ku butaka bwabo.” Yongeye kuvuga ko Abagande baturiye umupaka wa Uganda n’u Rwanda “bagize uruhare runini mu kubohora u Rwanda, ibyo bikaba ari ubumenyi rusange mu bayobozi b’u Rwanda.” Yongeyeho ati: “kwica Abagande uyu munsi ntabwo ari ibihembo igihugu cya Afurika y’Iburasirazuba gikwiye kubona.

Ati: “Bamwe mu baturage bacu bapfiriye mu mirwano, imitungo yacu yarasenyutse. Twari twizeye ko u Rwanda ruzaba abaturanyi beza. Ubu barimo kwica abantu bacu, batuzanira imirambo! ”

Ati: “Mbere ya byose, ni ukubera iki Nshangabasheija yita umucuruzi wa magendu ‘umucuruzi’, keretse Nshangabasheija na we yinjiye mw’icengezamatwara nkuko umuyobozi, wasabye ko izina rye ritatangazwa, yabyibajije

Yibajije niba ubufasha Abagande bahaye u Rwanda bivugwa ko buzahabwa igihe u Rwanda rufungura imipaka kuri buri mugizi wa nabi ukomoka muri Uganda. Uyu muyobozi yibajije ati: “Ngiyo igiciro cy’ubufasha bwa Uganda?,” Ariko kuki Nshangabasheija atavuga ibihumbi by’abaturage ba Uganda baba mu Rwanda bakora mu mahoro mu nzego zitandukanye: uburezi, gusana ibinyabiziga, ndetse no mu nganda,

Abanyarwanda bafite ubumenyi mu mateka bahoraga bibutsa Abagande ko Museveni ubwe yungukiye cyane mu hari abanyarwanda ibihumbi n’ibihumbi bari mu nyeshyamba ze za NRA -ari zo zagize ishingiro rya RPA nazo zibohora kubohora u Rwanda no guhagarika jenoside.

Yakomeje agira ati: “Tuzahora twishimira ubufasha Abagande baduhaye mu rugamba rwo kwibohora, ariko Nshangabasheijas n’abandi nkabo bakwiye kubyibutsa ko, guhera kuri Museveni, bagomba guhora bashimira uruhare rw’abarwanyi b’u Rwanda mu gufata ubutegetsi ”, nk’uko umuyobozi ushinzwe umutekano muri Kigali yabitangaje.

Chimpreports n’ibindi bitangazamakuru byo muri Uganda byagiye bivuga byinshi ku kuntu Justus Kadogo Kabagambe ari “Umugande wa cumi warashwe akicwa n’Abanyarwanda kuva u Rwanda rufunga imipaka na Uganda ku ya 27 Gashyantare 2019.”

Ntibabura kuvuga ko mubyukuri abinjiza magendu bonyine ari bo bahasize ubuzima, bahora bahanganye n’irondo ry’umutekano mu Rwanda bitwaje intwaro gakondo amacumu, imihoro, ibisongo, n’ibindi barasa mu kwirwanaho.

Ubuyobozi bw’inzego z’ibanze mu karere kamwe ko ku mupaka w’u Rwanda bwagize buti: “Icyo bagamije ni uguhora bashinja u Rwanda amakosa yabo.”

Ku rundi ruhande, igihe abategetsi b’u Rwanda bafashe abica amategeko ya Uganda, babasubiza mu gihugu cyabo, nta gufatwa nabi na gato. N’ubwo Kampala atariko bigenda iyo, bibaye kurenga ku mategeko

Umusobanuzi wa Kigali yagize ati: “N’iyo Umugagande yapfira mu Rwanda, bazahabwa icyubahiro kandi basubizwe mu buryo bukwiye.” Yongeyeho ati: “gereranya ibyo n’imyitwarire y’umutekano wa Uganda nka CMI, n’uburyo bafata Abanyarwanda b’inzirakarengane bashinjwa kuneka, nyamara nta muntu uburanishwa mu rukiko.”

Ibihe abategetsi ba Uganda bajugunye abasivili b’u Rwanda, abagabo, abagore, abasaza, abana bato, impinja ku mipaka – bose bamaze igihe mu buroko bwa CMI, “amazu atekanye” cyangwa kasho ya polisi bababazwa – ntibishobora kubarwa. Abatari abanyamahirwe bapfiriye i Mbuya, no mu yandi magereza. Abavandimwe bababaye mu Rwanda basaba byibuze ko imibiri yababo yataha ni myinshi.

Undi muntu watanze ibitekerezo ku mbuga nkoranyambaga yagize ati: “Abantu ba Museveni bashobora kuvuga, bakigira nk’abahotewe kugira ngo basuzugure u Rwanda, ariko ibinyoma byabo biroroshye cyane kubishyira ahagaragara.”

Inkuru ya Nshimiyimana Emmanuel/MUHABURA.RW

Subiza

Email Yawe Ntiribugaragazwe