Inkambi ya Nduta
Kuwa Kane tariki ya 10 Nyakanga 2019,mu nkambi y’impunzi z’abarundi ya Nduta muri Tanzaniya hafatiwe intwaro.
Izi ntwaro zavumbuwe mu gace ka 8 muri zone ya 7 muri iyo nkambi ya Nduta.Muri izo ntwaro harimo imbunda zo mu bwoko bwa karacinikofe (kalachinikov) nk’uko bivugwa n’umwe mubazibonye ariko abafatanwe izo mbunda ntabwo bagaragajwe.
Iyi nkuru ya SOSMedia ivuga ko impunzi zahise zigira ubwoba bw’umutekano wazo ndetse zitabaza ishyirahamwe ryita ku mpunzi na Leta ya Tanzania.
Bagize bati “UNHCR n’ubutegetsi bwa Tanzania bagomba kwinjira muri iki kibazo bagacyemura ibijyanye n’umutekano w’impunzi”.
Iyi nkambi ikomeje kuba ikibuga cy’aho ubwicanyi n’abajura bitwaje intwaro bakorera.
Ni mu gihe muri Gicurasi uyu mwaka,mu nkambi y’impunzi z’abarundi ya Nyarugusu mu gihugu cya Tanzania mu isoko ryayo naho hafatiwe intwaro nyinshi zafatanwe abatanzaniya bavuga ikirundi.
Yanditswe na Habarurema Djamali
