Rutsiro:Uwiyamamarizaga guhagararira abagore ku mwanya wa depite yitabye Imana

Dusabimana Consolee wayoboraga ikigo Nderabuzima cya Kibingo mu Murenge wa Gihango, mu karere ka Rutsiro, wiyamamarizaga guhagararira abagore mu Nteko Ishinga amategeko, yitabye Imana mu buryo butunguranye.

Bitangazwa ko yafashwe n’umutwe ubwo yiyamamarizaga i Rusizi, bamujyana kwa Muganga mu bitaro bikuru bya Gihundwe, ariko bamubwira ko nta kibazo kinini afite bamuha n’uburenganzira bwo gukomeza kwiyamamaza.

Ayinkamiye Emérence Umuyobozi w’Akarere ka Rutsiro, yabwiye umunyamakuru ko uru rupfu rwatunguranye, kuko Dusabinema yamerewe nabi mu mugoroba wo kuri uyu wa Mbere tariki 20 Kanama 2018, ajyanwa kwa muganga hafi saa yine z’ijoro ariko bamugezayo yashizemo umwuka.

Yavuze ko uretse kuba babuze umukandida wari uhagarariye abagore, babuze umuyobozi mwiza.

Yagize ati “Nibyo rwose (yitabye Imana) tugiye kumushyingura mu kanya saa munani. Yari asanzwe agira ikibazo cy’umuvuduko w’amaraso, ariko muganga twavuganye wamwakiriye nimugoroba yambwiye ko byari bimaze igihe byaroroshye, byatunguranye rwose.”

Yari umukozi mwiza, kumwe abantu dukora urutonde rw’ibigo nderabuzima, icye cyahoraga ari icya mbere mu buryo bw’imikorere no gutanga serivisi. Tubuze umukozi mwiza.

JPEG - 257.8 kb
Ayinkamiye Emérence Umuyobozi w’Akarere ka Rutsiro

Dusabinema yari amaze iminsi mu bikorwa byo kwiyamamaza hamwe n’abandi bakandida-depite b’abagore, aho aheruka kwiyamamariza mu Karere ka Nyamasheke.

Ku mugoroba wo ku wa Mbere tariki ya 20 Kanama 2018, ngo yaryamye ari muzima iwe mu rugo, bategereza ko abyuka baraheba, bagiye kureba basanga yitabye Imana.

Kuri ubu biteganyijwe ko uyu Dusabimana Consolee wari umukandida depite mu myanya y’abagore mu Burengerazuba ashyingurwa kuri uyu wa kabiri, ahitwa mu Gisiza mu karere ka Rutsiro.

JPEG - 92.7 kb
Dusabinema yari amaze iminsi mu bikorwa byo kwiyamamaza hamwe n’abandi bakandida-depite b’abagore, aho aheruka kwiyamamariza mu Karere ka Nyamasheke.

Chief Editor

Subiza

Email Yawe Ntiribugaragazwe