Rayon Sports itomboye ikipe yo muri Mozambique muri CAF Confederations Cup

Ikipe ya Rayon Sport niyo yatomboye nyuma y’andi makipe yose mu majonjora ya CAF Confederations Cup aho yatomboye ikipe ya Clube de Desportos da Costa do Sol yo muri Mozambike.

Mu mikino 2 ibanza n’uwo kwishyura,ikipe ya Rayon Sports irasabwa gutsinda iyi kipe yo muri Mozambike imaze gutwara ibikombe byinshi bya shampiyona muri iki gihugu kugira ngo yandike amateka yo kwerekeza mu matsinda.

Costa do Sol yashinzwe mu mwaka wa 1955 ndetse kuva iki gihugu cya Mozambike cyabona ubwigenge niyo kipe y’ubukombe kurusha izindi.

Clube de Desportos da Costa do Sol nta mateka ahambaye ifite mu mikino nyafurika nubwo yabashije kugera mu matsinda ya CAF Champions League mu mwaka wa 2002.Costa do Sol yambara imyenda y’umuhondo n’ubururu ndetse ifite stade yayo yakira abantu ibihumbi 10.

Costa do Sol yageze muri iki cyiciro imaze gusezerera Juaneng Galaxy yo muri Botswana na Cape Town City yo muri Afurika y’Epfo mu gihe Rayon Sports yasezerewe na Mamelodi Sundowns muri 1/16 cya CAF Champions League.

Clube de Desportos da Costa do Sol

Rayon Sports niyo izabanza Kwakira Costa Do Sol muri iyi mikino ya nyuma y’amajonjora, aho imikino ibanza iteganijwe hagati ya Tariki ya 6,7,8 Mata 2018 mu gihe iyo kwishyura izaba hagati ya Taliki ya 17,18 Mata 2018.

Uko izindi tombora zagenze

Yanditswe na Habarurema Djamali