Nyuma yuko imikino 15 yo kwishyura ya kimwe cya 16 cy’irangiza mu irushanwa ry’igikombe cy’Amahoro irangiye hamenyekanye amakipe azakomeza mu kindi cyiciro, ikipe ya Rayon Sports yisanze kumwe na Musanze mu gihe APR FC iri kumwe na Sunrise FC.
Imikino ya 1/8 cy’irangiza mu irushanwa ry’igikombe cy’Amahoro cy’uyu mwaka wa 2017 izakomeza gukinwa kuwa 13 na 14 Gicurasi 2017 mbere yuko hakinwa imikino yo kwishyura mu matariki y’icyumweru hagati kizakurikira.
Rayon Sports na FC Musanze zizahura hagati ya tariki 13-14 Gicurasi 2017 nyuma yuko zizaba zahuye mu mukino wa shampiyona uteganyijwe mu mpera z’iki Cyumweru. APR FC iheruka gutsinda Sunrise FC igitego 1-0 muri shampiyona, bazaba bongera guhura mu mikino ibiri ya 1/8 cy’irangiza.
Dore uko amakipe azahura muri 1/8
*Rayon Sports vs Musanze Fc
*APR Fc vs Sunrise Fc
*AS Kigali vs Mukura VS
*Espoir Fc vs Etincelles Fc
*SC Kiyovu vs Marines Fc
*Amagaju vs Aspor/La Jeunesse
*AS Muhanga vs Bugesera Fc
*Gicumbi Fc vs Police Fc
Yanditswe na Chief Editor/MUHABURA.rw
