Nyuma y’imvura n’inkuba bimaze iminsi byibasiye u Rwanda ubu hagezweho Kivu y’Amajyepfo

Mu ijoro ryo ku cyumweru kuwa 13 Nzeri muri gace ka Kamituga ho muri Kinshasa haguye imvura y’amahindu ibasha gukomeretsa abagera kuri batatu ndetse imibare ituruka mu bashinzwe gukurikirana ibikorwa by’abaturage igaragaza ko amazu agera ku 650 yangiritse naho 231 muri yo atwarwa n’amazi burundu.

Bamwe mu baturage batuye muri kivu y’amajyepfo ahibasiwe n’iyi mvura batangaza ko iyi mvura itari ikanganye cyane ahubwo umuyaga wazanyenayo niwo wabashije gusenya ndetse unahitana ibikoresho byabo bitandukanye . ibindi uyu muyaga wanangije harimo ibigo by’amashuli 9, insengero zigera ku 9 ndetse n’amapoto y’amashanyarazi agera ku 124 yose akaba yarahiritswe n’iyi nkubi y’umuyaga.

Inzobere mu kugenzura iby’iteganyagihe bagaragaje ko iyi nkubi y’umuyaga ifitanye isana nawa muyaga wa Elinino wo mu Nyanja ya Pasifike ujya wibasira uduce tumwe na tumwe twegereye iyi Nyanja. Nk’uko amakuru dukesha radio okapi abigaragaza imibare y’ibyangijwe ‘uyu muyaga iracyari kubarurwa kimwe n’uko ishobora kwiyongera.

Tubibutse ko iyi mvura idasanzwe yakomeje kuvugwa n’abashinzwe kugenzura imihindagurikire y’ikirere ndetse n’iteganyagihe, aho bemeje ko ibihugu byo muri Afurika y’I Burasirazuba byenda kujya mu gihe cy’imvura idasanzwe cyane cyane mu kwezi gutaha kwa cumi.

Yanditswe na sakayezu@gmail.com/Muhabura.rw

Subiza

Email Yawe Ntiribugaragazwe