N’Ubwo ari umufana wa Arsenal, Perezida Kagame yashimiye Leicester yatwaye igikombe

Umukuru w’Igihugu nyakubahwa Paul Kagame yashimiye ikipe ya Leicester City nyuma yo kwegukana igikombe cya shampiyona y’Ubwongereza bwa mbere mu mateka yayo ihigitse ibihange bisanzwe bikirwanira.

Perezida Paul Kagame abinyujije ku rukuta rwe rwa Twitter yashimangiye ko ikipe ya Leicester iki gikombe yagikoreye kandi igikwiye ndetse anemeza ko n’ibindi bizaza. yagize Ati:”Ukuri ni uku, Leicester City yarabikoreye cyane, irabikwiye kandi yatsindiye igikombe cya shampiyona y’Ubwongereza. Mwarakoze rwose ntekereza ko n’ibindi bizaza.”
Abinyujije ku rukuta rwe rwa Twitter Umukuru w’Igihugu cy’u Rwanda Paul Kagame yashimiye ikipe ya Leicester

Leicester City yatwaye igikombe cya shampiyona habura iminsi iminsi ibiri ngo iyi shampiyona irangire.Iyi kipe igitwaye nyuma y’uko Tottenham zari zihanganye muri iri joro ryo ku itariki 2 Gicurasi 2016 inganyije na Chelsea ibitego 2-2 ikaba ubu idashobora kugera ku manota 77 afitwe na Leicester kuko yo ifite 70 kandi isigaje imikino ibiri. Ikipe ya Leicester itsindiye igikombe mugihe imaze yari imaze imyaka ibiri gusa muri iyi Shampiyona yo mu Bwongereza mu kiciro cya mbere kuko yajemo bwa mbere 2014-2015. Iyi kipe ikigeramo yahuye n’ibibazo bikomeye kuko yari igiye no gusubira mu cyiciro cya kabiri ariko irakomeza irahanyanyaza iguma mu kiciro cya mbere.

Shampiyona yo muri uyu mwaka 2015-2016 iyi kipe yaje itsinda buhoro buhoro igenda ihigika amakipe akomeye ahora ahatanira iki gikombe, aho yasanze Arsenal na Manchester City arizo zahabwaga amahirwe yo kugitwara ariko izi kipe zigenda zitakaza izinyuraho. Mu makipe asanzwe yitwa ko akomeye Leicester yagiye izitsinda, uretse ikipe ya Arsenal niyo yashoboye kuyitsinda imikino yose yabahuje muri uyu mwaka.Manchester zaranganyi imikino yombi, Liverpool mu mukino ubanza yayitsinze iyi kipe ariko mu mukino wakurikiyeho irayishyura.

Leicester City yatsinze Manchester City mu mikino yombi, Leceister itwaye igikombe yari isigaje gukina umukino na Chelsea ariko mu mukino ubanza Leicester yari yatsinze Chelsea. Ibi bintu bikozwe na Leicester ikoze ibintu byaherukaga gukorwa n’ikipe ya mu Nottingham Forest 1978.


Yanditswe na Ubwanditsi/Muhabura.rw