Minisiteri y’ingabo y’Amerika yatanze miliyari y’amadolari yo kubaka urukuta ku mupaka na Mexico

Minisiteri y’ingabo ya Leta Zunze Ubumwe z’Amerika yatanze uruhushya rwo koherereza miliyari imwe y’amadolari abasirikare b’abubatsi ngo hubakwe urukuta rushya ku mupaka w’iki gihugu na Mexico.

Ayo mafaranga ni aya mbere atanzwe muri gahunda y’ibihe bidasanzwe yatangajwe na Perezida Donald Trump w’Amerika arenga ku cyemezo cya kongere y’iki gihugu ngo yubakishe urukuta rwo kuzitira abimukira bava muri Mexico, urukuta yaseranyije mu gihe yiyamamazaga.

Minisiteri y’ingabo ya Leta Zunze Ubumwe z’Amerika yatanze uruhushya rwo koherereza miliyari imwe y’amadolari abasirikare b’abubatsi ngo hubakwe urukuta rushya ku mupaka w’iki gihugu na Mexico.

Ayo mafaranga ni aya mbere atanzwe muri gahunda y’ibihe bidasanzwe yatangajwe na Perezida Donald Trump w’Amerika arenga ku cyemezo cya kongere y’iki gihugu ngo yubakishe urukuta rwo kuzitira abimukira bava muri Mexico, urukuta yaseranyije mu gihe yiyamamazaga.

Abo mu ishyaka ry’abademokarate bamaganye icyo cyemezo.

Biteganyijwe ko ayo mafaranga akoreshwa mu kubaka uruzitiro rufite uburebure bugera hafi kuri kilometero 91.

Trump yavuze ko hari “amakuba” ku mupaka wo mu majyepfo y’Amerika kandi ashimangira ko uruzitiro rufatika rucyenewe mu kubuza abo yita abanyabyaha kwinjira muri Amerika.

Abamunenga bavuga ko yahimbye ibyo bihe yita iby’”amakuba” avuga ko biri kuri uwo mupaka.

Itangazo rya minisiteri y’ingabo y’Amerika – Pentagon – rivuga ko Patrick Shanahan, minisitiri w’ingabo w’agateganyo, yahaye uruhushya umutwe w’abasirikare b’abubatsi ngo batangire guteganyiriza no gushyira mu bikorwa miliyari y’amadolari yo gushyigikira minisiteri y’umutekano n’urwego rw’umutekano w’imipaka”.

Iryo tangazo ritanga uruhushya rwo kubaka imihanda n’inzitiro “mu gufasha ibikorwa byo kurwanya ibiyobyabwenge…”

Byiyongera ku kubaka “inzitiro z’abanyamaguru” zifite ubuhagarike bwa metero eshanu, biteganyijwe ko ayo mafaranga akoreshwa no mu kuvugurura imihanda no gushyiraho amatara mashya.

Abasenateri bo mu ishyaka ry’abademokarate binubiye ko ubutegetsi bwa Pentagon butabanje gusaba uruhushya utunama dusabwa mbere yo kumenyesha kongere iby’ayo mafaranga yatanzwe.

Trump yatangaje ibyo bihe bidasanzwe ku itariki ya 15 y’ukwezi gushize kwa kabiri nyuma yaho kongere yangiye ubusabe bwe bwa miliyari eshanu na miliyoni 700 z’amadolari zo kubaka urwo rukuta.

Mu gutangaza ibihe bidasanzwe, Trump yashakaga kurenga ku cyemezo cya kongere ngo yubake urwo rukuta hifashishijwe amafaranga y’igisirikare.

Abademokarate bavuze ko icyemezo cya Trump cyo gutangaza ibihe bidasanzwe kinyuranyije n’ibiteganywa n’itegeko-nshinga.

Ariko Trump yaburijemo umwanzuro wabo mu ntangiriro y’uku kwezi kwa gatatu.

Ubu noneho kongere icyeneye kugira ubwiganze bwa biri bya gatatu mu nteko ishingamategeko no muri sena ngo ibe yabasha kuburizamo iki cyemezo cya Trump na Pentagon. Abanyamakuru bavuga ko bisa

Abimukira
mu bihumbi buri mwaka bambuka umupaka w’Amerika na Mexico bashaka ubuzima bushya muri Amerika

Niyomugabo Albert Muhabura.rw