Kunshuro yambere kibayeho igikombe cy’Agaciro Development Fund cyegukanywe na Police Fc

Kuri iki cyumweru taliki ya 30 Kanama, Police FC yegukanye

igikombe cy’Agaciro Development Fund cy’umwaka wa 2015,

nyuma yo gutsinda ku mukino wa nyuma ikipe ya Sunrise igitego

1-0

Hari ku munota wa 25 w’umukino, ubwo umukinnyi mushya wa

Police FC witwa Ngomirakiza Hegman, ku mupira w’umuterekano

wari utewe na Karisa Rachid nyuma y’ikosa ryari rikozwe n’umwe

muri ba myugariro wa Sunrise.

Mu bice byombi by’umukino, habonetse amahirwe menshi yagiye

ahushwa n’abakinnyi b’ikipe y’abashinzwe umutekano, nk’aho

Twagirimana Innocent yahushije uburyo butatu bwari bwabazwe,

byashoboraga kongera umubare w’ibitego bya Police FC, ku rundi

ruhande ariko, rutahizamu wa Sunrise, yapfushije ubusa amahirwe

yari abonye nyuma yo kutumvukana hagati y’umuzamu wa Police

FC na myugariro Mugabo Gabriel.

Police FC ikaba yarageze ku mukino wa nyuma yarahigitse

Bugesera na APR FC.

Umuyobozi w’Ishyrahamwe ry’Umupira w’Amaguru mu Rwanda

(FERWAFA), Bwana Nzamwita Vincent de Gaulle nyuma

y’umukino, yavuze ko iri rushanwa rizaba ngarukamwaka,

rikazajya rifasha amakipe kwitegura shampiyona no kubaka

umuco wo kwihesha agaciro mu banyarwanda biciye mu mupira

w’amaguru.

Bwana Nzamwita akaba yashyikirije sheki ya miliyoni 34,2

z’amanyarwanda Ambasaderi Gatete Claver, nk’umusanzu w’uyu

mwaka mu kigega cy’Agaciro, ukaba waratanzwe n’abakozi ba

FERWAFA, abakinnyi, abasifuzi n’abandi bagiye bayatanga igihe iri

rushanwa ryabaga.

Ambasaderi Gatete, washyikirije igikombe ikipe ya Police FC,

yashimiye amakipe yose yitabiriye irushanwa avuga ko bashyize

umusanzu mu gutanga ibyo abanyarwanda bakeneye.

Yagize ati:”Uku ni ukwezi abanyarwanda bizihizamo agaciro kabo

kandi bagakomeza kwishakira ibisubizo ku byo bakeneye.”

Yashimiye abakinnyi bitabiriya irushanwa muri rusange,

by’umwihariko aba Police FC batwaye igikombe, ko berekanye

umutima wo gukunda igihugu, aho yanavuze ko ikigega ubu gifite

agera kuri miliyari 27,4 harimo miliyoni 34,2 zatanzwe na

FERWAFA. Src RNP

www.muhabura.rw