Ku nshuro ya mbere Jordan Henderson aba Captain w’ Ubwongereza, Liverpool ica agahigo

Gushyirwa ku gatebe kwa Wayne Rooney byatumye captain wa Liverpool Jordan Henderson yambaye iki gitambaro ku nshuro ye ya mbere, abaye umukinnyi wa 11 wa Liverpool ubaye Captain w’abongereza, agahigo iyi kipe iciye. Ni mu mukino Ubwongereza bwanganyijemo na Slovenia 0-0 kuri uyu wa Kabiri.

Akoze ibi asa nk’usubiramo ibyakozwe n’uwo yasimbuye ku kuyobora Liverpool,Steven Gerrard. Uyu Henderson ari kwambara nomero 4 mu ikipe y’igihugu ari nayo Gerrard yambaraga. Ikindi ni uko abaye captain w’Ubwongereza nyuma y’umwaka umwe abaye Captain wa Liverpool nk’uko byangenze kuri Gerrard.

Henderson ateye ikirenge mu cy’uwo yasimbuye(photo internet)

Abandi bakinnyi bayoboye Ubwongereza bakinira Liverpool

1. Emlyn Hughes

Emlyn Hughes yamaze imyaka 12 muri Liverpool, 1967-1979. Yahawe iki gitambaro asimbuye Bobby Moore maze ayiyobora inshuro 23.

2. Kevin Keegan

Kevin Keegan yamekanye muri Liverpool mu myaka y’ 1970. Yayoboye Ubwongereza ku nshuro ye yambere mu 1976, umwaka umwe mbere yo kuva muri Liverpool agana muri Hamburg.

3. Phil Thompson

Phil Thompson yabaye umwe mubagize uruhare mu mwtwarire Liverpool yagize hagati mu myaka y’ 1970 kugera 1980. Mu Gushyingo 1979 yayoboye Ubwongereza ku nshuro ye ya mbere ubwo bahuraga na Bulgria. Yayoboye iyi kipe inshuro esheshatu gusa.

4. Ray Clemence

Uyu afatwa nk’umuzamu w’ibihe byose muri Liverpool, yayoboye ikipe y’Ubwongereza inshuro imwe gusa mu 1981 ubwo batsindirwaga mu rugo na Brazil 1-0, yayihamagawemo inshuro 61.

5. Phil Neal

Hagati y’ 1976 n’ 1983 yahamagawe mu ike y’igihugu inshuro 50, kimwe nan a mugenzi we, uyu nawe yabaye captain inshuro imwe gusa ubwo banganyaga na Iceland 1-1 mu 1982.

6. Peter Beardsley

Ni umwe mu banyempano banyuze muri Liverppool kandi bari n’indashyikirwa mu ikipe y’igihugu. Mu 1988byayoboye iyi kipe muri Israel aho banganyirije 0-0.

7. Paul Ince

N’ubwo yageze muri Liverpool habura amezi make ngo yuzuze imyaka 30, ari muri iyi kipe yayoboye Ubwongereza ku nshuro ya mbere mu Butaliyane banganya 0-0 bashaka itike y’igikombe cyisi cyo mu 1998.

8. Michael Owen

Uyu we bafana ba Liverpool benshi ntibamwemera, ubusanzwe yari yungirije David Beckham muri za 2000 gusa yayoboye Ubwongereza inshuro icyenda. Mu 2002 niho yabikoze bwa mbere I Anifield ubwo bahakiriraga Paraguay kuko Wembley yari iri kuvugururwa.

9. Steven Gerrard

Steven Gerrard afatwa nk’umukinnyi w’ibihe byose wa Liverpool. Muri 2003 niho yasimbuye Sami Hyypia ku kuyobora Liverpool, 2004 yayobowe Ubwongereza ku bwa mbere bakina na Sweden. Yabyongeye muri 2012 ayiyobora inshuro 40 mu 114 yayigaragayemo. Beckham (59), Bryan Robson (65), Moore (90) na Billy Wright (90) nibo bari imbere ya Gerrard.

10. James Milner

Uyu mugbo uherutse gusezera mu ikipe y’igihugu, mu mukino wa gicuti Ubwongereza bwaherutse n’Ubuholande Milner yari captain n’ubwo batsinzwe 2-1.

11. Jordan Henderson

Uyu wa 11 Ukwakira ni amateka kuri we, ni ngombwa kuk iyi season asa nk’uwayitangiye neza. Uyu n’ubu hari abafana ba Liverpool batari bamwemera ariko arabayoboye.

Yanditswe na Lucky van Rukundo/Muhabura.rw