Ikipe ya Paris Saint Germain yaciye agahigo muri shampiyona y’iwabo

Nyuma yo kunyagira ikipe ya Troyes ibitego 9-0, Pari Saint Germain yabimburiye amakipe yo mu mashampiyona akomeye I Burayi mu gutwara shampiyona.iyi ikaba ari shampiyona ya kane batwaye bikurikiranya.

Hari ku munsi wa 30 w’imikino ya shampiyona. Ibi bivuzeko hasigayie imikino 8 kuko iyi shampiyona ikinwa n’amakipe 20. Iyi kipe yasuye Troyes maze iyitsinda ibitego 9-0. AS Monaco ya kabiri yo yari yanganyije bituma ikinyuranyo kiba amanita 25 kuko PSG 77 naho Monaco ikagira 52. Ibi bisobanurako naho PSG yatsindwa imikino 8 isigaye maze Monaco ikiyitsinda, ikinyuranyo nticyavamo kuko imikino 8 ifite amanita 24 gusa. Rutahizamu Zlatan Ibrahimovic wa PSG yatsinze ibitego 4 muri uyu mukino. Maze umukino urangiye avugako niba PSG ishaka kumwonerera amasezerano bafata wa munara muremure w’I Paris maze bakawusimbuza ishusho ye.Uyu mugabo w’umunyadushya cyane cyane mu magambo avuva aba yuzuye agasuzugura n’ubwirasi aherutse na gusezerera ikipe ya Chelsea kuko mu bitego 4-2 PSG yatsinze Chelsea mu mikino yombi, Iblahimovic yatsinzemo 2.

Nyuma yuko haje abanyaziya b’abarabu bakamena ifaranga nuri iyi kipe, Shampiyona y’ubufaransa yahinduye icyerecyezo. Mu myaka yashize iyi shampiyona yasaga nk’iyihariwe na olympique Lyone kuko yatwaye ibikombe birenga 7 mu myaka nk’icumi gusa. Ikimaze kwigaragaza ni uko muri iki gihugu nta guhangana guhari .

Umutoza wa PSG Laurent Blanc yahoraga asabwa n’abanyamuryango b’iyi kipe kgutera intambwe akarenga ibya shampiyona maze agasatira UEFA Championsleague. Ibi nabya arikubigendamo neza kuko ubu ari muri ¼ cy’irangiza ndetse akaba ageze aha yaratsinzwe umukino umwe gusa. Hategerejwe kumenya niba azasimbuka iki cyiciro maze agashimisha abafaransa abageza muru 1/2 cya UEFA Championsleague.

Yanditswe na Rukundo Xaver/Muhabura.rw

Subiza

Email Yawe Ntiribugaragazwe