Gasabo : Umugabo utazwi bamusanze mu giti anagana mu kagozi

Mu murenge wa Bumbogo akagari ka Nyabicyenke mu gitondo cy’uyu munsi wo Kucyumweru habonetse umurambo w’Umugabo wo mu kigero cy’imyaka hagati 30 na 35 y’amavuko, yimanitse mu kagozi yapfuye mu giti gihari ariko ntabwo abaturage baho bazi aho akomoka ndetse ngo n’imyirondoro ye ntiyamenyekanye.

Muri iki gitondo ubuyobozi bw’akarere ka Gasabo ndetse n’abo mu nzego z’umutekano muri aka karere bahageze basanga nta muturage waho umuzi ariko icyo babwiwe n’umwe mu baturage ngo ni uko yamubonye nimugoroba yicaye aho yambaye neza ubona nta kibazo afite.

Umuyobozi w’akarere ka Gasabo Rwamurangwa Stephen yatangarije Muahabura.rw ko mu gitondo bahageze ariko basanze nta muturage n’umwe umuzi gusa ngo hari uwa murabutswe nimugoroba yicaye hafi y’akayira ariko mugitondo basanga yimanitse yapfuye.

Rwamurangwa Stephen yagize ati”Nahageze. Ariko abaturage baho nti bamuzi.Gusa ejo ngo hari umuturage yahamubonye yicaye aho ngaho ku kayira bamunyuraho bagirango ni nk’umuntu uharuhukiye, hanyuma ninjoro arimanika.Hari umuturage umwe rero wamubonye mugitondo ari muri icyo giti yimanitse yapfuye”.

Rwamurangwa Yakomeje agira ati”Mukanya buriya baje kuhamukura bamukorere isuzuma nibarangiza, baraza no kureba n’ibindi byangombwa afite kuko abaturage ntabwo bamuzi kandi bari bahari ari benshi twakoranye inama.Gusa wabonaga ari umusore wambaye neza w’umusirimu”.

Ngo aho bamusanze yimanitse ni mu giti kiri ahantu bacukura amabuye mu kabande hafi ya kayira.

Yanditswe na Habarurema Djamali

Subiza

Email Yawe Ntiribugaragazwe