FIFA: Ikipe y’igihugu amavubi yatunguranye uburyo yamanutse kurutonde burenze urugero

Ikipe y’igihugu y’u Rwanda, Amavubi yasubiye inyuma imyanya 15 ku rutonde ngarukakwezi rushyirwa hanze n’ishyirahamwe ry’umupira w’amaguru kw’isi, FIFA. mu gihe Ku rutonde rw’ukwezi kw’Ukwakira rwasohotse kuri uyu wa kane, Amavubi ari ku mwanya wa 93 kw’isi n’amanota 364.

Muri Afurika, Algeria iri ku mwanya wa mbere, ikaba iya 19 kw’isi, Ivory Coast ya kabiri ni iya 21 kw’isi, Ghana ikaba iya 25 ndetse n’iya gatatu kuri uyu mugabane mu gihe u Rwanda ruri ku mwanya wa 24 muri Afurika. Mu kwezi gushize, Amavubi akaba yari ku mwanya wa 78 kw’isi mbere yo guhura na Ghana mu mukino wa kabiri wo mu itsinda rya 8 mu gushaka tike y’igikombe cya Afurika cya 2017 kizabera muri Gabon.



Ikipe y’igihugu y’Urwanda Amavubi iyobowe na Captain Haruna Niyonzima

Tariki 5 Nzeli 2015, u Rwanda rwatsindiwe i Kigali na Ghana igitego 1-0 cyabonetse ku munota wa 87 gitsinzwe na Mubarak Wakaso kuri coup-franc.

Nyuma yo gutsindwa na Ghana, icyumweru kimwe nyuma yahoo, Amavubi yakiriye Gabon mu mukino wa gicuti, yongera gutsindwa igitego 1-0.


Dore amakipe yagaragaye ku myanya 10 y’imbere kw’isi:


1. Argentine

2. Ubudage

3. Ububiligi

4. Portugali

5. Colombia

6. Espagne

7. Brazil

8. Wales

9. Chile

10. Ubwongereza

Yanditswe na Akayezu Snappy/Muhabura.rw

Subiza

Email Yawe Ntiribugaragazwe