Ethiopia iratakamba isaba imbabazi ku ikosa yokoze ryo gukora ikarita ya Afurika itariho Somalia

Minisiteri y’ubabinyi n’amahanga ya Ethiopia iravuga ko ’yicuza bikomeye’ ko ikarita ya Afurika igaragaza Somalia nk’ubutaka bwa Ethiopia ’yagejejwe ku rubuga rwayo’.

Iyi minisiteri ivuga ko ako kanya ikibimenya yahise ikuraho iyi karita ’itari yo kandi itakwihanganirwa’.

Iyi karita yari yakozwe yavanagaho Somalia nk’igihugu, gusa ikagaragaza agace kitwa Somaliland.

Minisiteri ya Ethiopia ntabwo yasobanuye uko iyi karita yageze ku rubuga rwayo, gusa ivuga ko “abakozi bayo mw’ikoranabuhanga bagiye kugenzura kurushaho urubuga rwabo”.

Ku baturage ba Somalia bakoresha imbuga nkoranyambaga, iyi karita yabateye kwidodomba n’umujinya batuka abategetsi ba Ethiopia ko ari bo bakoze ibi.

Minisiteri y’ububanyi n’amahanga ya Ethiopia yavuze ko ’isaba imbabazi ku ngaruka n’ubwumvikane bucye iki kibazo cyateje’.

Ibi bihugu byo mu ihembe rya Africa ntibyumvikana ku mbibi kuva mu myaka ya 1940 ubwo Ubwongereza bwahaga Ethiopia agace kitwa Ogaden bigateza intambara eshatu hagati y’ibi bihugu.

Kubera intambara z’imbere mu gihugu zibasiye Somalia kuva mu myaka ya 1990, ntiyabashije gukomeza guhangana na Ethiopia kubera aka gace ivuga ko yambuwe.

Ubusanzwe ikarita y’Afurika y’ukuri ni iyi iriho n’igihugu cya Somalia
Ikarata yagaragaye ku rubuga rwa ministeri ya Ethiopia ntabwo Somalia igaragaraho

.Ikigo Best World Link Group cyahaye amahirwe abana 15 bashaka kwiga muri Turikiya kuri buruse bakazishyurirwa 90%
Chief Editor/MUHABURA.RW