Ku munsi wa 14 wa shampiyona ya Espanye, FC Barelona yari yakiriye Real Madrid I Camp Nou maze bahanganyiriza 1-1 byatumye uyu uba umukino wa kabiri Luis Enrique wa Barcelona ananirwa gutsindira Zidane imbere y’abafana. Igitego cyo kwishyura cya Real Madrid cyatsinzwe na Sergio Ramos, cyibukije ko muri buri mukino ukomeye akunda gutsinda mu minota ya nyuma.
Imbere y ‘abafana 98485, ni ibitego byombi byabonetse biturutse ku mipira y’imitwe. Luis Suarez ku mupira wari utewe na Neymar jr ku munota wa 53 na Sergio Ramos ku mupira wari utewe na Luca Modric ku munota wa 90. Ibi byatumye ikinyuranyo cy’amanota gikomeza kuba 6. Real Madri ni iya mbere na 34 naho Barcelona ikaba iya kabiri na 28.
Iyi El Classico ibaye iya kabiri yikurikiranya kuva Zidane yafata Madrid ibereye Camp Nou maze Barca ikananirwa gutsinda, ni nyuma y’uko muri Season ishize yahatsindiye 2-1. Ni El Classico ya 6 kandi Messi atabona igitego n’ubwo ari we uyoboye mugutsindamo byinshi, 21.
Myugariro Sergio Ramos yishyuye iki gitego ku munota wa 90, yibutsa abantu ibyo akunda gukora dore ko yakoze nk’ibi ku mukino wa nyuma wa Champions league batsinda Atletico Madrid,akanabikora kuri Super Coup iheruka.
Lucky van Rukundo/Muhabura.rw
