Minisiteri y’Ubuzima yatangaje ko umubare w’abantu banduye COVID-19 mu Rwanda wageze kuri 40 nyuma y’uko hagaragaye abandi 4 biganjemo abaheruka mu ngendo bakoreye hanze y’igihugu.
Itangazo rya Minisante ryo kuri uyu wa kabiri , tariki ya 24 Werurwe rivuga ko hagaragaye abarwayi 4 bashya banduye icyorezo cya COVID-19, giterwa na Coronavirus.
Aba barwayi biyongereye kuri 36 basanganywe iki cyorezo, bagera kuri 40 banduye COVID-19 kuva umurwayi [Umuhinde ukorera rimwe mu mashami ya Loni mu Rwanda] wa mbere yaboneka mu gihugu ku wa 14 Werurwe 2020.
Minisante igaragaza ko abarwayi bagaragaye baturutse mu bihugu bitanu, aba barimo;
Abantu babiri (2) baje baturutse I Dubai
Undi muntu umwe (1 ) yaje aturutse I buruseli mu Bubirigi
Umuntu umwe (1) watahuwe ko yahuye n’undi wagaragayeho Coronavirus mu Rwanda.
Chief editor MUHABURA. RW