Congo: Abakozi b’umuryango mpuzamahanga bavumbuye ibindi byobo 13 bihambwemo abantu benshi

Abakozi b’umuryango mpuzamahanga ONU bakora ubugenzuzi ku bw’icanyi , bavumbuye ibindi byobo 13 bihambwemo abantu benshi muri Republika iharanira demokarasi ya Kongo, ahamaze amezi habera ubwicanyi hagati y’abashinzwe umutekano n’umutwe w’abarwanyi bitwaje intwaro.

ibyo byatangajwe kur’uyu wa mbere na José Maria Aranaz, umuyobozi w’ibiro bya ONU bishinzwe ikiremwa muntu. Atangaza ko umubare w’ibyobo wa komeje kw’iyongera k’uburyo , ibyobo byavuye ku’icumi bikagera kuri 23 byabomywe mu ntara za Kasai yo hagati n’iy’uburasirazuba .

Aranaz avuga ko ubundi bugenzuzi buzakomereza mu ntara ya Lomami, ahakekwa kuba hari ibindi binogo.

Mwibuke ko abagenzuzi 2 ba ONU barimo bakora abugenzuzi nk’ubwo mu ntara ya Kasai bashimutswe hamwe n’abakongomani babaherekeza kw’italiki 12 z’ukwezi kwa gatatu, nyuma bagatoragurwa ar’imirambo.

Kuwa kane, Kiliziya katolika muri Kongo yasabye abashinzwe umutekano kutayoborwa n’agahinda ngo bihimure mugihe barimo guhiga abo barwanyi.

Abarwanyi biyise Kamwina Nsapu bakivuka batangiye batera inzu za Leta ariko kuva mu kwezi kwa kabiri batangiye gutera amashuri n’insengero.



Yanditswe na Niyomugabo/Muhabura.rw

Subiza

Email Yawe Ntiribugaragazwe