Amafoto: Umuhanzi Bobi Wine wari watawe muri yombi yarekuwe ikitaraganya

Robert Ssentamu Kyagulanyi wamenyekanye nka “Bobi Wine” mu buhanzi bw’ umuziki yatawe muri yombi na Polisi yo muri Uganda ubwo yaragiye kwiyamamariza ubudepite.

Uyu muhanzi yafashwe kuri uyu munsi taliki ya 27 Kamena 2017 ubwo yajyaga kwiyamamariza mu gace kazwi nka Kyadondo mu mujyi wa Kampala.

Inzego zishinzwe umutekano nizo zamutaye muri yombi ubwo yiyamamazaga dore ko ashaka kuba umudepite muri iki gihugu cye cya Uganda.

Bobi Wine yafashwe ari ku munsi wanyuma wo kwiyamamariza ho aho yajyanwe gufungirwa kuri station ya Polisi iri ahitwa I Kasangati mu nkengero z’ umujyi wa Kampala.

Nubwo uyu mugabo yatawe muri yombi na Polisi ntago haratangazwa icyo yazize ariko bimwe mu bihuha biri gucicikana mu bitangazamakuru byo muri Uganda nuko bari kuvuga ko uyu mugabo yabanje kwangirwa na Polisi imubuza kwiyamamariza muri Kyadondo we ashaka kubikora ku ngufu bityo birangira afunzwe.

Bobi Wine wamenyekanye mu ndirimbo zitandukanye harimo nka, Abantu, Why, Ebibuuzo, Calorinal, Kiwaani n’ izindi nyinshi n’ umukandida wigenga, ahatanye n’abandi batandatu baturuka mu mashyaka arimo NRM, FDC na DP.

Uyu muhanzi kuri ubu wamaze kurekurwa Nyuma y’amasaha make Bobi Wine atawe muri yombi yaje kurekurwa akigera hanze atangaza n’icyo yari azize, aganira n’itangazamakuru nkuko tubikesha ikinyamakuru Uganda online yagize ati” Nta tegeko na rimwe nari nishe,nagombaga kuba ndi muri Gayaza. gusa uhagarariye polisi muri aka gace yambwiye ko perezida ashaka gukoresha uwo muhanda, nabyumvise. njye sinshaska kurwana ndetse twamaze kuva muri Gayaza tutabangamira urugendo rwa perezida. ndasaba abanshyyigikiye kwifata ntibagire imidugararo bateza tuzatsinda binyuze mu matora atari mu midugararo

Bobi Wine yafashwe ari ku munsi wanyuma wo kwiyamamariza ho aho yajyanwe gufungirwa kuri station ya Polisi iri ahitwa I Kasangati mu nkengero z’ umujyi wa Kampala

Umugore we yabyukiye kuri sitasiyo ya polisi kubaza impamvu yatumye bafunga umugabo we

Yanditswe na Chief Editor/MUHABURA.rw