Abavandimwe Toure (kolo na Yaya) bagiye guhuririra mu kubuga bahanganye

Basanzwe bahurira mu muryango no mu ikipe y’igihugu cya Cote d’Ivoire bafatatanya ariko kuri ubu ni uguhatana. Ni kuri iki cyumwere kuwa 28 Gashyantare ku mukino wa nyuma w’igiombe cya ” Capital One Cup ” hagati ya Liverpool Na Manchester United I Wembley, aharaza kubonekamo ihangana ry’abavandimwe. Kolo muri Liverpool na Yaya Manchester City.

Kolo Habibu Toure ari na we mukuru akina muri ba myugariro b’ikipe ya Liverpool. Akaba yaramenyekanye cyane mu ikipe ya Arsenal. Ubusanzwe ntiyarakunze kwifashishwa ariko bubera imvune za bamyugariro ba Liverpool barimo na Martin Skrete, Koro asa n’uwabonye umwanya. Yaya Nyenyeri Toure ni we ukurikira Koro mu nda. Gusa uyu ni we twavugako yabaye icyamamare kurusha mukuru we. Uretse kuba yarakinnye mu ikipe ya Barcelona, ni inking ya mwamba ya Manchester City. Uyu musore ukina hagati yanatwaye ibihembo bya BBC bihabwa umukinnyi w’umunyafurika witwaye neza kurusha abandi inshuro enye.


Baraba bahanganye ari abavandimwe kuri iyi nshuro

Aya makipe agiye guhura abatoza bafite ibyiyumviro bitandukanye. Kloop wa Liverpool ari kubaka kuko nta na season aramarana n’abakinnyi. Gusa anyotewe ikikombe ndetse n’abakinnyi bagifitiye inyota. Pellegrine wa Man.City we ari mu marembera muri iyi kipe kuko kumpera za season azerekwa umuryango. Abakinnyi be nabo n’ubwo banyotewe igikombe ariko mu mitwe yabo harimo ibindi cyane ko bamwe barimo na Yaya Toure bazasohokana n’umutoza wabo.

Mu mukino uheruka Liverpool yatsindiye Man.City Etihad ibitego 4-1 hari mu mukino ubanza wa shampiyona. Aya makipe kandi ku itariki 2 Werurwe azanahurira mu mukino wo kwishyura wa shampiyona Anifield. Ikindi cyitezwe ni Raheem Starling wa Man.City uraba arigukina n’ikipe yamureze akaza kuyivamo kubera gushaka amafaranga ngo n’ibikombe.

Yanditswe na Rukundo Xavier/Muhabura.rw