Abahungu 21 bapfuye bari gukorerwa igikorwa cyo gusiramurwa

Ubutegetsi bwa Afrika Y’epfo bwatangaje ko abahungu 21 bapfuye barimo gukorerwa igikorwa cyo gusiramumurwa, imugenzo ukorwa kabiri ku mwaka, ukaba wari watangiye mu kwezi ku Ugushyingo 2018.

Ikinyamakuru EWN ducyesha iyi nkuru cyavuze ko abahungu 17 bapfiriye mu ntara ya Cape yo mu burasirazuba mu gihe abandi babiri bapfiriye mu majyaruguru ishyira uburengerazuba, abandi mu burengerazuba bwa Cape.

Urupfu rwabo bana rwabaye mu gihe ubutegetsi bwarimo gukora ubukangurambaga bwo guhagarika ikorwa ry’uwo mugenzo mu mashuli, mu gihe bivugwa ko wari warahitanye abantu benshi mu bihe byashize.

Inama y’abavuzi gakondo bo mu byaro”Congress of Traditional Leaders of South Africa” (Contralesa) yashyize mu majwi leta ku bijanye n’urwo rupfu, ivuga ko “itashyigikiye ngo itange uburyo bwari gutuma abagira ibibazo bagabanuka.”

Umuvugizi wa Contralesa, Xolile Ndevu yavuze ko leta ikwiye gutangaza ko ibyabaye ari “impanuka yibasiye igihugu”.

Umuvugizi wa koperative yo mu burasirazuba bwa Cape ndetse n’imigenzo ya kera, Mamkeli Ngam, yavuze ko imiryango ikwiye kwitanga ngo ihagarike izo mpfu.

Yagize ati”Si leta ikwiye kubazwa igihe abantu bagiye mu ishamba gukora uwo mugenzo, ni ikibazo cy’umuryango n’icy’ababyeyi bari bakwiye gukorera hamwe n’abahumure.”

Iperereza ryatangiye mu buryo bwo kumenya icyateye izo mpfu, nk’uko abayoboye Contralesa babitangaje.

Ibiro ntaramakuru bya Xinhua bivuga ko mu myaka 10 irangiye, abana barenga 1000 baciwe ibitsina byabo.

Iyo aba bahungu bari mu mugenzo wo gusiramurwa bisiga ibintu bisa n’umweru mu maso

Niyomugabo Albert/MUHABURA.RW