Afurikay’Epfo:Umuhuzabikorwa wa RNC ya Kayumba Nyamwasa yishwe arashwe

Seif Abdallah Bamporiki umuhuzabikorwa w’umutwe wa RNC ya Kayumba Nyamwasa muri Afurika y’Epfo yapfuye arashwe n’abantu bataramenyekana.

Uyu mugabo yarashwe ahagana saa Moya z’umugoroba zo ku wa 21 Gashyantare 2021 mu Mujyi wa Cape Town aho yari asanzwe aba ndetse anakurera ubucuruzi.

Seif Bamporiki ubusanzwe yari afite iduka ricuruza ibikoresho byo mu nzu,bivugwa ko yarashwe ubwo umukiriya we yari amaze kumusaba ko yamugereza igitanda mu gace ka Nyanga.

Amakuru akomeza avuga ko Seif Bamporiki ndetse n’abo bakorana bapakiye icyo gitanda nk’uko umukikiriya yari abibasabye ariko ngo bageze aho iki gitanda cyagombaga kugezwa, uyu mukiriya ava mu modoka ngo afungure iduka rye ubwo bahita bamuburira irengero.

Nyuma yo gutegereza uyu mukiriya iminota igera kuri 15, ngo ntiyagarutse ahubwo imodoka Seif Bamporiki yari arimo, yasatiriwe n’abagabo babiri bitwaje imbunda baramurasa ahita yitaba Imana.

Amakuru avuga ko abi bagabo bitwaje intwaro ngo bahise batwara telefone ye ngendanwa n’ikofi. Kugeza ubu Polisi yo muri Afurika y’Epfo ntiratangaza ko hari umuntu watawe muri yombi akekwaho kuba ariwe wishe Seif Bamporiki.

Kuba Seif Bamporiki yari umuhuzabikorwa wa RNC muri Afurika y’Epfo,ikindi yari n’umuyobozi w’uyu mutwe mu mujyi wa Cape Town muri iki gihugu.

Abamwishe batwaye telephone ye hamwe n’ikofi ye mbere y’uko bahunga.

Ubusanzwe Nyanga ‘township’ hazwiho kuba hamwe mu hantu haba ubugizi bwa nabi cyane muri Africa y’Epfo.

Subiza

Email Yawe Ntiribugaragazwe