Inzuki zariye abari bagiye gushyingura umurambo bawuta ku irimbi bariruka

Ibintu budasanzwe Aho abantu bo mu karere ka Handeni mu gihugu cya Tanzaniya bananiwe gushyingura umurambo wa Daudi Mohamed nyuma y’uko bagabweho igitero n’inzuki ku irimbi.

Nk’uko iki kinyamakuru kibitangaza,ngo mu marira menshi abari bagiye ku irimbi bavuze ko bataye umurambo wonyine Aho ngaho mu gihe kingana n’isaha.

Ababyiboneye n’amaso bavuze ko inzuki zabanje kugaragara zicukura mu mva bari bateguye gushyinguramo nyakwigendera mbere y’uko bahamugeza.

shobora kuboneka no mu myitozo yo gucukura imva ariko ko nta terabwoba zigeze zitera kugeza umurambo wa nyakwigendera uzanwa mu irimbi kugira ngo usabe.

Salehe Ramadhani akomeza avuga ko nyuma y’icyunamo bageze ku irimbi bafite isanduku irimo umurambo wa Mohamed kugira ngo bawushyingure ariko inzuki zirabirukana abandi zirabarya barakomereka.

Ati: “Ibyo byari ahagana mu ma saa munani z’igicamubsi ubwo mu buryo butunguranye, inzuki ziyongereye ku bwinshi zitangira kwibasira ibitabiriye ikiriyo. Bagombye gukiza ubuzima bwabo, batitaye ku isanduku ”.

Umuhungu wa nyakwigendera yanze kuvirira isanduku irimo umurambo wa se yanga kugenda ariko nyuma yatewe n’inzuki kugeza igihe zimukomerekeje birangira nawe agiye isanduku arayisiga.

Salehe yagize ati: “Mu byukuri, ibyabaye byari bibi cyane kuko hari abantu bamwe bakomeretse bikabije nyuma yo kunanirwa guhunga inzuki zarakaye”.

Sheikh Kombo Nkucha, umwe mu bariwe n’inzuki yavuze ko yagiye kubona inzuki zimwuzuye ku mugongo no ku ijosi abona guhita amaguru ayabangira ingata arahunga.

Nyuma y’ibyabaye, Sheikh Nkucha yagombye kugira inama abo mu muryango wa nyakwigendera gushaka ahandi bashyingura aho gusubira muri ako gace kuko hashobora kuba hari ibindi bibazo bishobora kwitambika igikorwa cyo gushyingura.

Umuyobozi mukuru w’ibitaro by’akarere ka Handeni, Dr Hudi Shehedadi, yemeje ko yakiriye abantu icyenda harimo babiri muri bo bakomerekejwe n’inzuki ku buryo bukabije abandi basigaye bahabwa ubuvuzi barakira barataha.

Dr Hudi yagize ati: “Twakiriye abantu icyenda bari bazanwe hano kwivuza nyuma yo kurumwa n’inzuki mu gihe cyo gushyingura ariko babiri muri bo bakomeretse bikabije mu gihe abasigaye basezerewe nyuma yo kwivuza”.

Umuvugizi w’umuryango wa nyakwigendera, Rashid Kilagula, yamaganye igitekerezo cyari gikunze kugaragara mu baturage bamwe na bamwe bakikije Tanga na Tanzaniya muri rusange ko ibyabaye bishobora kuba byaratewe n’imyizerere imwe n’imiziririzo.

Yavuze ko bateganya gushyingura umurambo wa mwene wabo mu masaha ya nimugoroba kuko bizeye ko inzuki zaba zavuye muri ako gace.

Subiza

Email Yawe Ntiribugaragazwe