Perezida Museveni nyuma yo kotswa igitutu yategetse inzego z’umutekano kwerekana abantu baburiwe irengero

Perezida Kaguta  Museveni  yategetse inzego z’umutekano zo  muri icyo gihugu gushyira ahagaragara  amakuru y’abantu bafunzwe  kuva mu gihe cyo kwiyamaza mu matora aheruka kugira ngo imiryango yabo imenye aho bari .

Perezida Museveni atangaje ibi inyuma y’aho imiryango itari mike muri icyo gihugu isabiye icyo gihugu gushira ahabona   abantu bayo babuzwe  ndetse bakanaburirwa irengero.

Iki kibazo cyagejejwe  imbere y’inama nshingamategeko  mu cyumweru gishize, isaba Leta gusobanura  igihugu ibijanye n’abantu baburiwe irengero.

Mw’ijambo rye, Perezida Museveni yagize  ati: “Abashinzwe umutekano ubu basabwa gusobanurira  abanyagihugu mu rwego rwo  guhagarika aya makuru y’ibura ry’abantu babo”.

Iki nicyo gikuru nshaka gutangaza  kuko hashize  iminsi hari amakuru menshi mu binyamakuru avuga ko hari abantu bafuzwe ndetse banaburi  irengero”.

Museveni yongeyeho ko kuva mu mwaka ushize  hari umutwe  w’abagizi ba nabi wari  wategura guhungabanya umutekano mu gihe cy’amatora no gutoba amatora y’umukuru w’igihugu,  biba ngombwa ko we  akomeza umutekano.

Akomeza Avuga ko yashyizeho umutwe   w’abakomando bashoboye guhagarika abantu 59 bagizwe n’urubyiruko, abashinzwe  umutekano  kandi bahagaritse abandi 65 mu gihe barimo barwanya izo nkozi z’ikibi.

Muri iryo jambo rye kandi, Perezida Museveni yifatiye mu gahanga  ibihugu bya mahanga kubera  kwivanga mu bibazo bireba igihugu cya Uganda ubwaco.

Ibi abitangaje  nyuma y’aho inama nshingamategeko y’ iburayi mu cyumweru gishize  ifatiye ibihano abategetsi bamwe na bamwe bo muri  leta ya Uganda bashinjwa  guhohotera ikiremwa muntu mu gihe icyo  gihugu cyarimo cyitegura  amatora y’umukuru w’igihugu yabaye mu kwa mbere uno mwaka.

Subiza

Email Yawe Ntiribugaragazwe