Diamond platnumz yahishuye igihe yamenyeye ko Mzee Abdul Juma atari se nyakuri

Burya koko se w’umwana amenywa na nyina Kandi burya ikitari icyawe Hari ibimenyetso bikigaragaza nubwo bidapfa kuboneka vuba ariko biratinda bikagaragara.

Umuhanzi Diamond platnumz yahishuye ko yatangiye kumenya ko Mzee Salum Iddi Nyange ari we se nyakuri guhera mu 2000 ariko Akomeza kugenda ashakisha Amakuru birangira abimenye neza mu 2020.

Uyu muhanzi umaze kwegukana ibihembo byinshi mu muziki muri Tanzaniya,Ibi yabitangaje ku wa kane, Tariki 28 Mutarama 2021 ubwo yari yatumiwe kuri Wasafi FM.

Amagambo ye aje nyuma y’ibyumweru bibiri nyina, Sanura Kassim, uzwi ku izina rya Bi Sandra, agaragaje bwa mbere ko Abdul Juma, abantu benshi bari bazi nka se umuhanzi Diamond, mu byukuri atari se nyakuri wa Diamond.

Sandra yabitangarije Kuri terefone avugira kuri Wasafi FM Tariki 15 Mutarama 2021.

Kugeza ejo ku wakane Tariki 4 Gashyantare, Diamond w’imyaka 31, ntabwo yari yaravugiye ku mugaragaro ibyo nyina yahishuye ariko yarabivuze.

Mu kiganiro Kuri Wasafi FM yagize ati “Mu mwaka wa 2000, mama wacu(uvukana na nyina), Romy Jones, yambwiye ko data yari Salum Iddi Nyange, wari ufite iduka ry’ibinyampeke muri Tandale. Igihe kimwe, yarambwiye ati: ‘Jya ku isoko muri Tandale, ubwire so, Salum Nyange , aguhe umuceri’. Naragiye nk’uko nabisabwe, ngera kwa Nyange, mubwira ko bambwiye ko ari data. Nyuma y’aho, yampaye umuceri ugura amashilingi ya Tanzania 200, arambwira ati ngo ntahe”.

Akomeza agira ati“Muri icyo gihe, Nyange na mama ntibakundanaga. Icyakora, kiriya gihe kujya ku iduka rya Nyange byatumye bombi bongera gusubira. ”

Diamond yavuze ko se na nyina, nyuma, bateguye umuhuro hagati ye na barumuna be bavukana aribo Ricardo Momo na Iddi Santus.

Diamond yavuze ko abo bavukana babanaga na se i Kariakoo.

Ati: “Twebwe (abavandimwe) twarakundanaga cyane. Navaga muri Tandale nkajya Kariakoo incuro nyinshi. Twakundanaga cyane. Ariko ibyo byose byabaye mu gihe, nari nkiri umwana, maze nkibaza umuryango wanjye w’ukuri; niba nafata Abdul nka data, cyangwa Nyange nka data? ”.

Uyu muhanzi yavuze ko hashize amezi ane asobanukiwe neza kuri iki kibazo, ubwo nyina yamubwiraga ko se wamubyaye ari Nyange, atari Abdul. Nyange yapfuye mu 2004.

Ati: “Mama anyeretse amafoto ya Nyange, maze kubireba, mpita mbona ko nsa neza na Nyange kurusha Abdul.”

Bi Sandra, mu kiganiro na Wasafi hagati muri Mutarama, yavuze ko yatangiye umubano na Mzee Abdul Juma mu 1989, ubwo yari atwite inda ya Nyange. Icyo gihe yagiye gushaka yitwaje Diamond Platnumz mu nda ye.

Ibi bihura neza n’ibyo Diamond Platnumz, mu kiganiro, yigeze gutangaza Aho yavuze ko Mzee Abdul yabatereranye na nyina afite imyaka 6 y’amavuko.

Ati: “Hari igihe Mzee Abdul yari arwaye,ubwo njya kumusura,mama yanyohereje.Hari umunsi nyina yavuze ko nizeye ko Mzee Abdul ashobora gupfa kugira ngo nzungure umutungo we. Byatumye ntekereza nti: ‘kuki nanzwe n’umuryango wa Mzee Abdul, nyamara nakunzwe n’umuryango wa Mzee Nyange’? ”

Diamond yavuze ko nubwo atari uwa Mzee Abdul, yakunze kumufasha mu bijyanye n’amafaranga, ikintu cyarakazaga Bi Sandra.

Ati: “Yambwiraga ko mfasha umugabo wamvugaga nabi mu biganiro yakundaga kugirana n’abanyamakuru.”

Bi Sandra amaze kwerekana ko Diamond atari umwana wa Mzee Abdul, uyu musaza, mu biganiro byinshi yagiranye n’abanyamakuru, yavuze ko yatunguwe no kumenya ko umwana yizeraga ko yareze, mu byukuri yabyawe n’undi mugabo.

Akomeza agira ati: “Ndumiwe kuko muri byose, sinigeze menya ko Bi Sandra yanshatseho atwitiye undi mugabo. Ubu ndashaka ko Diamond Platnumz yasiba amazina yanjye yose ku cyemezo cye cy’amavuko, ”.

Subiza

Email Yawe Ntiribugaragazwe