Ikipe y’igihugu y’umupira w’amaguru Amavubi izacakirana na Guinea

Ikipe y’igihugu y’umupira w’amaguru Amavubi izacakirana na Guinea mu mikino ya 1/4 cy’irushanwa ry’ibihugu rihuza abakinnyi bakina imbere (CHAN). Mu gihe Morocco yabaye iya mbere mu itsinda ryarimo u Rwanda izahura na Zambia

Ku wa Gatatu tariki ya 27 Mutarama 2021 nibwo hakinwe imikino ya nyuma y’amatsinda mu itsinda rya Kane ( Group D). Ikipe y’igihugu ya Guinea yasezereye Tanzania nyuma yo kunganya na yo ibitego bibiri kuri bibiri. Guinea ni yo yafunguye amazamu ku munota wa Kane w’umukino igitego cyatsinzwe na Yakhiuba Gnagna Barry kuri Penality. Tanzania yishyure igitego cya mbere ibifashijwemo na Baraka Majogoro ku munota 23. Tanzania yatsinze igitego cya Kabiri ku munota wa 69 gitsinzwe na Edouard, ariko kiza kwishyurwa na Victor Kantabadouna wa Guinea ku munota wa 82 icyizere cya Tanzania kirangirira aho. Muri iri tsinda Zambia yanganyije na Namibia ubusa ku busa.

Uko itsinda rya D rihagaze

1. Guinea imikino itatu amanota 5
2.Zambia : Imikino itatu amanota 5
3. Tanzania : Imikino itatu amanota 4
4. Namibia : Imikino itatu inota rimwe

Gahunda y’imikino ya 1/4

Ku wa Gatandatu tariki ya 30 Mutarama 2021

18:00 : Mali vs Congo : Stade Ahmadou Ahidjo, Yaoundé
21:00: DR Congo vs Cameroon : Japoma Stadium, Douala

Ku Cyumweru tariki ya 31 Mutarama 2021

18:00 : Morocco vs Zambia : Stade de la Reunification, Douala
21:00: Guinea vs Rwanda : Limbe Stadium, Limbe

Irushanwa rya CHAN riri kuba ku nshuro ya Gatandatu. Kuri iyi nshuro, mu mikino 24 yakinwe mu matsinda hamaze kubonekamo ibitego 46 bivuze impuzandego ya 1.92 y’igitego kuri buri mukino. Rutahizamu wa Guniea Yakhouba Gnagna Barry asoje imikino y’amatsinda afite ibitego bitatu. Imikino y’amatsinda yakinwe mu mijyi itatu ari yo Yaoundé, Douala na Limbe. Irushanwa rizasozwa ku Cyumweru tariki 07 Mutarama 2021.

Subiza

Email Yawe Ntiribugaragazwe