Rusizi:Hakomeje kwibazwa uburyo imihanda yangizwa n’igikorwa remezo

Mu mezi nka tatu ashize hatangijwe mu mirenge itandukanye y’Akarere ka Rusizi umushinga wo gukwirakwiza amazi meza mu baturage baturaniye imirenge ya Nyakabuye ;Butare na Gikundamvura umushinga utangirwa n’ikigo cy’igihugu gishinzwe amazi isuku n’isukura hamwe n’abandi bafatanyabikorwa batandukanye.

Ninkenshi humvikanye amajwi y’abaturage baturaniye uwo mushinga binubira ibikorwa n’abakozi bakoramo aho usanga bacukura imisinge ku nkengero z’umuhanda yo gushyiramo amatiyo azayobora amazi imihanda ikariduka kubwo imifurege yuzuyemo amazi.

Abaturage batuye muri ako gace babwiye muhabura ko bishimiye icyo gikorwa ariko bagashengurwa ahanini nuko bangiza umuhanda babibona kandi ntihagire igikorwa.

Uwintije Drocella yabwiye muhabura ko biteye isoni kimva abantu bacukura imiferege bakayisiga yanamye aho kugirango bayifunge bashyiramo amatiyo yayo.

Yagize ati:”Ibyo barigukora byo kutuzanira amazi ni byiza ariko nabwo kudusenyera imihanda nabyo si byo kuko ntagikorwa remezo cya kabangamiye ikindi.


Yavuze ko kuva uwo mushinga watangirwa imihanda ikomeje kwangirika iriduka bitewe nuko bacukura imisinge ntibashyiremo amatiyo basibe ibyo byobo birekamo amazi umuhanda ukariduka.

Kalisa Jean umugabo ukora akazi k’ubushoferi kuko atwara amakamyo yavuze ko bibabajebkumva abantu bafata itaka bakarirunda hafi y’umuhanda imvura yagwa umuhanda ukanyerera kuburyo uhita uba utagendwa.

Yagize ati:”Ubu turigutwara ibikoresho byo kubaka amashuri kubera itaka ryashyizwemo na bariya bakozi ba WASAC bituma umuhanda unyerera iyo imvura iguye tukaba dusaba ko iyo miferege yafungwa hagasubizwamo itaka bakareka kubangamira abakoresha iyo mihanda.”

Yaongeyeho ko ubu amashuri yo mu bice byo mu murenge wa Butare yadindiye kubera kubura uburyo bwo kuhageza ibikoresho bikoreshwa hubakwa amashuri.

Yagize ati:”Ubu hari aho usanga amashuri yaradindijwe no kubura amayira kubera ibyo byakorewe mu muhanda uhagera ni ukuvuga iyonimvura iguye imodoka irara aho ntabwo yahava,ibyo bikaba inzitizi ku bubakisha ayo mashuri ndetse no kubabagemurira ibikoresho biyubaka.”

Ku ruhande rw’ubuyobozi bw’umurenge wa Nyakabuye ni kenshi hagaragajwe icyo kibazo ariko bugira icyo bugikoraho.


Umuyobozi w’Umurenge wa Nyakabuye Bwana Ndabananiye Jean Bosco Yavuze ko yagerageje kuvugana naba bakozi kuri icyo kibazo ko yari azi ko cyakemutse ariko agiye kongera kugikurikirana.

Yagize ati:”Ngiye kongera kugikurikirana turebe uko cyakemuka;kuko twarabibasabye.

Ku ruhande rw’abakozi ba WASAC bakoreraho twagerageje kubahamagara bumvise ko ari umunyamakuru ubahamagaye bavuga ko bahuze.

Mu minsi ishize Umukuru w’iguhugu Paul Kagame yavuze ko nta gikorwa kigomba gukorwa kibangamiye ibindi nko gufunga imihanda hashyizwe ibikoresho ku nkengero z’umuhanda ugasanga byabangamiye abagenzi aribyo bitera impanuka ziba mu mihanda.Icyo gihe yavuze ko nubwo ibyo bikorwa byaba bifitiye igihugu akamaro nko kubaka amashuri bitatuma ubuzima bw’abanyarwanda buhagarara.Yongeyeho kandi ko atazi niba abayobozi baca muri iyo mihanda amanywa n’ijoro bataba babona ko icyo ari ikibazo.

Denis Fabrice Nsengumuremyi/MUHABURA.RW

Subiza

Email Yawe Ntiribugaragazwe