Ikipe y’u Rwanda yanganyije na Uganda mu mukino wa mbere

Ikipe y’u Rwanda Amavubi yanganyije na Uganda 0-0 mu mukino wa mbere mu itsinda C mu mikino y’Afurika y’amakipe y’ibihugu ariko ku bakinnyi bakina imbere mu gihugu “CHAN 2020”.

Muri uyu mukino, ikipe y’u Rwanda yakinnye umukino mwiza ariko ntiyabasha kubona igitego. Mbere y’uyu mukino muri iri tsinda ikipe y’igihugu ya Morocco yegukanye iri rushanwa rya  CHAN  riheruka muri 2018  yitwaye neza itsinda ikipe y’igihugu ya Togo igitego 1-0 cyatsinzwe na Yahya Jabrane  kuri penaliti ku munota wa 27. Uyu akaba asanzwe akina hagati mu ikipe Wydad Casablanca.

Iyi mikino yombi yabereye  kuri Stade de la Réunification mu mujyi wa Douala kuri uyu wa Mbere taliki 18 Mutarama 2021.

Muri iri tsinda C,  imikino y’umunsi wa kabiri iteganyijwe taliki 22 Mutarama 2021 aho ikipe y’u Rwanda izakina na Maroc naho Uganda ikine na Togo.

Mu itsida D hateganyijwe imikino y’umunsi wa mbere

Kuri  uyu wa Kabiri taliki 19 Mutarama 2021 hateganyijwe imikino y’umunsi wa mbere mu itsinda D aho  ikipe ya Zambia igomba gukina na Tanzania naho Guinea igakina na Namibia. Iyi mikino yombi izabera kuri Sitade Limbe.

Subiza

Email Yawe Ntiribugaragazwe