Gatsibo ubucukumbuzi : Umuzimu wa Burugumesiteri Gatete ukomeje kuvuza ubuhuha mu cyahoze ari ishuli ry’Ababyeyi APECOM

Mu cyahoze ari komini Murambi yayoborwaga na Gatete Jean Baptiste, ni hamwe mu hakorewe ubwicanyi ndengakamere, Mu kwica Abatutsi hifashishwaga intwaro gakondo zirimo amahiri, amacumu, imihoro n’ibindi ndetse n’intwaro za gisirikare harimo gerenade n’imbunda. Uyu kandi  ni nawe washinze  ishuli  rya APECOM rifite icyicaro mu Murenge wa Kiramuruzi, Akagari ka Gakenke rikomeje ku rangwamo  urwago ,no gusebanya  aho benshi bakomeje kuvuga ko Umuzimu wa Burugumesteri Gatete ukomeje kuvuza ubuhuha, aho bamwe bakomeje kugambanirana  ndetse no gusebanya mu itangazamakuru , ritandukanye rya hano mu Rwanda nk’uko bitangazwa  na bahoze ari abayobozi ba  APECOM bavuga ko bibasirwa n’uwitwa Nyiringango  .

Mu mwaka wa 1986  burugumesitiri Gatete afatanyije n’ababyeyi bo mu cyahoze kitwa Komine MURAMBI, bishyize hamwe maze bashinga ishuri bariha izina mu mpine rya APECOM aribyo mu magambo arambuye yo mu gifaransa bivuga (Association des Parents pour la Promotion de l’Education en Commune Murambi

Ishuri ryaje guhura n’ikibazo cy’imiyoborere n’imicungire mibi mubihe bitandukanye, ariko abanyamuryango bakagerageza gukoma munkokora ababigiragamo uruhare, bagahagarikwa, byaje no kuvamo ikibazo cy’urwango n’ingengabitekerezo ya jenoside byagiye bivugwa kuri bamwe mubari abakozi ba APECOM,

Ishuri kandi ryagize ikibazo cyo kubura ubushobozi kubera umubare w’abanyeshuri wakomeje kugenda ugabanuka cyane bitewe n’andi mashuri y’uburezi bw’imyaka y’ibanze (9 na 12) yagiye avuka hafi ya APECOM, kubera ko bigira Ubuntu abanyeshuri bagahitamo kuba ariho bajya kwiga.

Bwana Sekanyange Leonard wahoze ari umuyobozi wiri shuli ndetse akaba anamaze iminsi yibasiwe n’uwitwa NYIRINGANGO mu’itangazamakuru yagize ati’’ Mu gihe ishuri ryari ryugarijwe n’ubukene, imyenda no kudahemba abakozi, byabaye ingorabahizi biba ngombwa ko hiyambazwa amabanki, ariko ntibyakunda kuberako APECOM nk’ishyirahamwe nta cyangombwa cy’ubuzima gatozi rifite, byabaye ngombwa ko hiyambazwa abantu ku giti cyabo kugirango APECOM ibone uko yishyura NYIRINGANGO Emmanuel na KARAMA Pierre bari bamanitse amatangazo yo guteza icyamunara APECOM kubera imanza bayitsinzemo sinibaza rero umuntu ukora ikintu yarangiza akacyinyitirira mu gihe njye nari umukozi mbona arukudusebya ku bintu byaciye mu mucyo kandi byubahirije amategeko  nk’uko bigaragazwa n’inyandiko kandi  nyirubwite yisinyiye

 Sekanyange akomeza avuga ko Hakozwe inyandiko nyinshi zo gusaba amafaranga muri banki biranga kuberako APECOM nta cyangombwa cya RGB kiyiha ubuzima gatozi ifite, kandi yari ifite n’imyenda myinshi ya RRA na RSSB, Bank zose zanze gutanga inguzanyo kuri APECOM kuko nta buzima gatozi igira.

Yagize ati “ Bimaze kunanirana, abanyamuryango bafata icyemezo cyo gushaka umuntu kugiticye basaba inguzanyo kugirango ishuri ridatezwa cyamunara, bafata umwanzuro wo guteranya inama y’Inteko Rusange bumvikana ku buryo babona ayo mafaranga. Ndetse na Copy y’Imyanzuro y’Inama Rusange irahari, Hafashwe umwanzuro ko ayo mafaranga yashakirwa mu bantu ku guti cyabo maze arafatwa .Icyo gihe hafashwe miriyoni mirongo itatu (30.000.000) mu byiciro bibiri, banagena uko ayo mafaranga agomba kuzishyurwa mu bwumvikane bw’abagize inzego zose za APECOM. Nk;uko Copy y’amasezerano y’umwenda abigaragaza.

Amakuru yizewe agera kuri MUHABURA.RW  n’uko iryo deni ryafashwe abagize inzego zose za APECOM bahari, bakanabisinyira, ndetse na NYIRINGANGO Emmanuel washakaga guteza cyamunara ishuri yari ahari nawe yarasinye, barangije baranamwishyura nk’uko inyandiko MUHABURA ifitiye Copy ibigaragaza kandi  yasinyeho.

Mu yindi baruwa MUHABURA.RW  ifitiye kopi irerekana kandi ko Nyiringango Emmanuel nawe yari muri komite Nyobozi ya APECOM yafashe umwenda, yari Umujyanama muby’umutungo wa Komite Nyobozi. yasinye kuri iyo nyandiko nyemezamwenda bikaba bigaragara rero ko ari ibintu byakozwe ku nyungu z’abanyamuryango nk’uko bigaragazwa nabo.

Kubura ubwishyu bw’amafranga APECOM yagurijwe byatewe n’uko umubare w’abanyeshuri wagabanutse cyane, rinanirwa kwishyura imyenda ryari ribereyemo bamwe mu babagurije amafaranga harimo uwitwa Hategekimana Francois wabagurije miriyoni mirongo itatu (30.000.000Frw), rifunga imiryango nk’uko bigaragazwa n’inyandiko zabo kandi bose basinyeho.

Hari bamwe mubiyita abanyamuryango bavuga ko iryo deni ritazwi kandi bararisinyiye

Nyiringango Emmanuel Uhagarariye inama y’ubutegetsi ya APECOM mu gusobanura iki kibazo, agaragaza ko atorwa  yasanzemo ibabazo by’uko abahoze bayoboye APECOM ngo bitwaje ikibazo cy’ideni uyu muryango wigeze kugira,  maze uwitwa Hategekimana François Xavier abaguriza amafaranga

Mu ibaruwa MUHABURA  ifitiye kopi yo ku itariki ya 7 werurwe 2016  igaragaza umwenda iri shuri rya APACOM ryari ribereyemo Hategekimana Francois ringana na miriyoni mirongo itatu ryatanzwe mu buryo bwemewe bukurikije amategeko dore ko n’inyandiko yemeza iryo deni yasinyweho na noteri ubifitiye ububasha kandi ukorera mu  Rwanda.

Ayo masezerano yashyizweho umukono na Bwana Rwigamba Celestin wari Represantant legal, ibyo byose bikaba bigaragaza ko nta buryo bwa manyanga bwagaragaye muri iki kibazo kuko abyemererwa n’amategeko kandi n’Inama y’Inteko Rusange ya APECOM yari yarabimuhereye ububasha nk’uko  Copy y’imyanzuro y’inteko rusange yamutoye ibigaragaza

Nta nyandiko nimwe ihari MUHABURA yabonye  igaragaza ko hari umuntu umwe waba yarihereranye umuntu akamuguza amafaranga mu izina rya APECOM nta burenganzira abifitiye, dore ko ibyakorwaga byose byubahirizaga amategeko bigakorwa n’ababishinzwe.

Mu nyandiko zose zasabaga amafaranga y’ideni kuri Hategekimana Francois zabaga zemejwe n’inama rusange cyangwa Komite nyobozi ifatanyije n’izindi nzego za APECOM kandi na bwana Nyiringango Emmanuel Uhagarariye inama y’ubutegetsi ya APECOM yabaga yasinyeho hakaba hibazwa impamvu  yahisemo  gusebanya mu bintu yagizemo uruhare bikayoberana nk’uko byemezwa n’abanyamuryango ba APACOM badatinya kubigereranya n’ Umuzimu wa Burugumesteri Gatete ukomeje kuvuza ubuhuha mu Ishyirahamwe rya APECOM  .

Ese kwegurira Ingwate Hategekimana Fracois Xavier byakurikije amategeko?

Nyuma y’uko ideni rinaniranye kwishyurwa, icyagombaga gukurikiraho kwari ukubahiriza ibiri mu masezerano yasinywe n’impande zombi, kugirango uwatanze amafaranga ye ayabone cyangwa yegukane ingwate yahawe na APECOM,

Mbere yo kwegurira igice kimwe cy’ubutaka Hategekimana Francois Xavier, habanje kubaho ibiganiro byamaze igihe kigera ku myaka itatu bagishakisha umukiriya wahagura kugirango yishyurwe, ariko nabyo birananirana kuberako habuze abakiriya, Nyuma haterana Inama y’Inteko Rusange ya APECOM kuwa 03/09/2017 ifata umwanzuro wo gutanga igipande kimwe cya APECOM. Nk’uko Copy y’imyanzuro y’Inama ibigaragaza.

Hategekimana Francois Xavier wagurije APECOM amafaranga Miliyoni Mirongo Itatu (30.000.000Frw) kuva mu mwaka wa 2015, ntago yashoboye kwishyurwa amafarangaye yatanze kugihe bari baremeranyije cyo kuwa 07/03/2016, yagombye gutegereza igihe kirenga imyaka itatu kugirango ahabwe uburenganzira bwo kwegukana ingwate yari yarahawe!

Hategekimana François Xavier wegukanye umutungo we avuga ko nta manyanga yabayeho

Hategekimana François Xavier uvuga ko  ari umunyamaryango wa APECOM  kuko ababyeyi be bari mu bayishinze, ari na we waguze icyo avuga ko ari igice cy’umutungo wa  yo, we  yemeza ko nta manyanga yabaye mu kwegukana  umutungo.

François Xavier yagize ati: “Ibyabaye nta manyanga yabayeho kuko ibintu byose byakozwe imbere y’amategeko, hari abanyamuryango bari bareze APECOM harimo uwitwa Nyiringango Emmanuel  barega mu cyamunara,  hanyuma bagiye guteza icyamunara ishuri ryacu bansaba ko mbaguriza amafaranga kugira ngo turebe ko twarengera icyamunara;  mbaguriza amafaranga.”

Hategekimana yakomeje agira ati “Hanyuma bampa ingwate y’igice cy’ishuri, igihe cyo kunyishyura kigeze, ya mafaranga barayabura, bemeza ko cya gice cy’ingwate bari bampaye nkegukana kuko amafaranga yo kunyishyura bari bayabuze Ibyo byemezwa n’inteko rusange y’inama yo ku itariki  3/09/2017.”

Ibindi bigaragara mu nyandiko, kandi agaragaza ko uwo mutungo yawegukanye kuko awufitiye icyangombwa cy’ubutaka yahawe mu buryo bukurikije amategeko,

MUHABURA.RW  yabonye Copy y’icyangombwa cy’umutungo Hategekimana Francois Xavier yegukanye kuwa 06/04/2018. Nk’uko Copy y’Icyangombwa igaragaraho italiki yakiboneye

Hari abavugako igipande cy’umutungo wa APECOM cyagurishijwe amafranga make

MUHABURA  ifite inyandiko y’amasezerano NYIRINGANGO Emmanuel afatanyije na KARAMA Pierre bagiranye n’umugenagaciro w’umwuga witwa KIBAMBE Nestor kugirango agene agaciro k’umutungo wose wa APECOM mugihe benda kuyiteza cyamunara (babikoze rwihishwa), MUHABURA  yabashije kubona iyo raporo y’igenagaciro yakozwe na KIBAMBE Nestor ku italiki ya 20/12/2014, yahaye agaciro umutungo wose wa APECOM Miriyoni ijana na cumi n’esheshatu n’ibihumbi Magana atanu na mirongo itatu na bitanu n’amafranga Magana cyenda na mirongo ine n’ane (116,535,944Frw) ibi binyuranye cyane n’ibyo NYIRINGANGO Emmanuel yirirwa avugako igipande kimwe gusa HATEGEKIMANA Francois Xavier yatwaye gifite agaciro karenga Miliyari y’amafranga y’u Rwanda! NYIRINGANGO Emmanuel abikora agamije kuyobya abanyamuryango no gukurura umwuka mubi n’urwango n’amacakubiri mu banyamuryango nk’uko byemezwa n’uwahoze ari umuyobozi w’ishuli rya APACOM.

Agatsiko kagamije kwihimura kayobowe na NYIRINGANGO Emmanuel nk’uko bitangazwa n’abanyamuryango

Hakomeje kuvugwa ko hari agatsiko k’abantu bake cyane, bagamije guteza amakimbirane kayobowe na NYIRINGANGO Emmanuel, dore ko mu ibaruwa dufitiye copi yo kuwa 05/05/2009 yandikiwe Umuyobozi w’akarere ka Gatsibo yashyizweho umukono na Rwigamba Celestin wari uhagarariye APECOM mu mategeko avuga ko hari agatsiko kagamije kuzana urwango n’amacakubiri muri APECOM kari kayobowe na NYIRINGANGO Emmanuel wahoze ari Umucungamutungo w’ishyuri rya APECOM, akaba yari anafite amacumbi acumbikiramo abanyeshuri b’abahungu bose bigaga muri APECOM, hanyuma ishuri rikamukodesha, byaje guteza amakimbirana kuberako abanyeshuri babaga mu macumbi ya NYIRINGANGO Emmanuel bararaga mu tubari bagasinda bakarwana n’abashinzwe umutekano, biza gutuma ubuyobozi bw’Akarere ka Gatsibo bufatanyije n’Inama y’ubutegetsi ya APECOM bafata icyemezo cyo gukura abanyeshuri bose bari bacumbitse kwa NYIRINGANGO bakagaruka kuba mukigo, aha niho hatangiye amakimbirane,  Nyiringango arega APECOM ko yishe amasezerano bagiranye, atangira gucamo ibice abanyamuryango ku nyungu ze bwite.

Muri iyi baruwa kandi Rwigamba yamenyesheje Ubuyobozi bw’Akarere ko mu igenzura ryakozwe n’Akarere ka GATSIBO ryasanze NYIRINGANGO Emmanuel yarahombeje APECOM amafranga arenga Miliyoni mirongo itatu n’eshetau (33,000,000Frw) nanubu Nyiringango ntarazishyura.

URWISHE YA NKA RURACYAYIRIMO  Ingengabitekerezo ya Genoside yagaragaye muri APECOM mu mwaka wa 2008-2009 yongeye gushibuka  nk’uko bitangazwa nabo.

Abanyamuryango  barasaba ko Akarere kabafasha kugenzura uburyo umuryango wa APECOM ucunzwe muri ino minsi, n’ibibazo byihishe inyuma y’imikorere mibi ya NYIRINGANGO Emmanuel wiyita Represantant Legal wa APECOM.

Mu mwaka wa 2012 ubwo ikigo cya RGB cyasabaga Imiryango yose itari iya leta yashinzwe mbere yaho ko bahuza amategeko n’itegeko rishya rigenga iyo miryango, Abanyamuryango ba APECOM byabateje ubwumvikane buke, kuko bamwe bifuzaga guhindura izina rya APECOM ( Association des Parent pour la Promotion de l’Education en Commune Murambi) igahinduka kuberako Commune Murambi itakibaho, bamwe batsimbarara ku izina rya mbere ariryo APECOM, abandi bashaka ko rihinduka kubera amateka mabi yaranze iryo shuri mu gihe cya Jenoside yakorewe abatutsi ( benshi mubarishinze n’abariyoboraga harimo na Bourgumestre Gatete bagize uruhare muri Jenoside yakorewe abatutsi),

Dossier yo gusaba guhuza amategeko mashya ya RGB, yoherejweyo iteshwa agaciro kuko harimo ibituzuye, RGB nayo ibagira inama yo kutagumishamo komine Murambi kuko itakibaho, bamwe mubanyamuryango bashaka kwizirika ku mateka barabyanga bituma APECOM kugeza uyu munsi nta cyangombwa cya RGB irabona (ikora muburyo budakurikije amategeko)

Bitewe n’impungenge z’amakuru afitwe na bamwe mu banyamuryango, y’uko imicungire y’umutungo wa APECOM, ubusanzwe ikorwa n’Inama y’Ubutegetsi, ubu isigaye ikorwa n’umuntu ku giti cye gusa, ariwe Bwana NYILINGANGO Emmanuel, iyo micungire mibi ikaba irangwa no kugurisha imitungo ya APECOM :

  • Harimo ibigega bifata amazi yo ku mabati, bari barahawe n’Umurenge wa kiramuruzi nk’inkunga ya World Vision), amafaranga avuyemo ntagere kuri Konti z’Umuryango, bagenzi be bo munama y’Ubutegetsi  usanga ibigurishwa bimwe na bimwe batabimenya  kuburyo nabo  babyumva mu makuru, bikaba byaratumye bamwe basezera muri komite ya NYIRINGANGO Emmanuel kubera ko batemeranya kumikorere ye,
  • Intebe abanyeshuri bicaragaho, intebe n’ameza byakoreshwaga n’abarimu); intebe, ameza na étagère byari mu biro by’umuyobozi w’ishuri, inzugi z’ibyuma zari muri Stock, ibitanda na matelas, byose byagurishijwe na NYIRINGANGO Emmanuel, amafranga ntawe uzi icyo yakoreshejwe, nta n’ibyemezo bya Board byemeza igurishwa ry’ ibyo bikoresho, ntawe uzi n’ingano y’ibyagurishijwe n’amafaranga yabivuyemo kuko yose yayakiraga mu ntoki ze.
  • Amafaranga yishyurwa n’abahoze ari abanyeshuri ba Koleji APECOM baje gutwara Diplômes zabo ntashyirwe kuri Konti,  yishyurwa mu ntoki za Bwana NYILINGANGO Emmanuel, bikaba bitumvikana ukuntu uwiyita Perezida w’Inama y’Ubutegetsi ariwe wakira amafaranga yinjira, akayabika iwe, akagena  amafaranga asohoka, akanayasohora nta gahunda y’ibikorwa yizwe n’inama y’Ubutegetsi ngo igezwe ku Nteko Rusange. Muri make umutungo usa nkuwabaye uw’Umuntu ku giti cye aho kuba uw’abanyamuryango, ibyo bikaba bidatanga icyizere kuri ejo hazaza h’Umuryango APECOM, kuburyo hari impungenge z’uburyo Documents zicunzwe (Dipolome, Indangamanota n’izindi),
  • Ikindi kandi n’uko ugerageje kubaza NYIRINGANGO Emmanuel ibijyanye n’iyo mikorere ye idahwitse, ahita amutera ubwoba ko azamujyana muri RIB cg mubitangazamakuru, ibyo bikaba bigaragazwa n’uburyo amaze iminsi ahamagaza abanyamakuru agamije guharabika bamwe mubayoboye APECOM mu myaka ishize, bagiye bagira uruhare mukugaragaza imikorere ye mibi yamuranze mugihe yari umukozi wa APECOM, akayihombya amafranga arenga Miliyoni mirongo itatu n’eshatu (33.000.000 Frw) nk’uko byagaragajwe na Audit y’Akarere ka Gatsibo yakorewe APECOM,

Ibyo abanyamuryango basaba byagenzurwa

  1. Kureba umwuka mubi w’urwango n’amacakubiri Nyiringango Emmanuel arimo kubiba mubanyamuryango ba APECOM muri ino minsi,
  2. Hakwiye kugaragazwa Dipolomes n’Indangamanota by’abanyeshuri bataraza kubitwara, hakagenwa uko zacungwa neza,
  3. Kugenzura ko APECOM ifite ibyangombwa biyemerera gukora nk’umuryango utari uwa Leta,
  4. Kugenzura no kumenya abanyamuryango Nyakuri ba APECOM,
  1. Kugenzura iyubahirizwa ry’amategeko kubijyanye n’itorwa ry’inzego za APECOM,
  2. Uko inama z’Inteko Rusange ziterana; niba ziba zuzuje umubare wa ngombwa (quorum) kugirango zifate ibyemezo bikwiriye nkuko biteganywa n’amategeko.
  3. Uko Inama z’Inama y’Ubutegetsi ziterana n’ibyemezo zifata.
  4. Uko abanyamuryango bashya binjira mu muryango (amabaruwa abisaba n’uko bagezwa ku Nteko Rusange kugirango ibemeze). 
  5. Amafaranga NYIRINGANGO Emmanuel yishyuwe  kubukode bw’amazu ya APECOM  ayahawe na UTAB (EX- IPB), ntawe uzi amasezerano bagiranye n’uburyo ayo mafranga yakoreshejwe,
  6. Kureba aho amafranga NYIRINGANGO Emmanuel yishyura Avocat biriranwa amufasha gucura ibyaha byo kurega bamwe mubanyamuryango badahuje imyumvire n’imikorere, kumenya aho aturuka.

Impamvu yihishe inyuma y’ibyo NYIRINGANGO Emmanuel yirirwa ashishikariza bamwe mubanyamuryango ba APECOM nk’uko bitangaza nabamwe mu ribo:

  1.  Ni ugushaka kwihimura kubagiye bagaragaza amakosa yakoze akiri umukozi w’ishuri rya APECOM,
  2. Ikindi n’uko ashaka kurangaza abanyamuryango kugirango batamubaza uburyo yabaye Representant Legal wa APECOM atowe n’abantu barindwi gusa muburyo butemewe n’amategeko ya APECOM,
  3. Gukangisha abamubazi imikorereye mibi kuzabajyana muri RIB n’itangazamakuru,
  4. Kujijisha abanyamuryango kugirango batamubaza uburyo akomeza kugurisha umutungo wa APECOM muburyo bunyuranyije n’amategeko,
  5. Agamije kandi kujijisha abanyamuryango kugirango batamuryoza igihombo yateje APECOM igihe yari Umucungamutungo wayo kingana na 33.000.000Frw.

Subiza

Email Yawe Ntiribugaragazwe