Rusizi: Abayobozi bashakanye nk’umugore n’umugabo batemanye!

Ibi byabereye mu murenge wa Gihundwe ahasyira i saa ine z’ijoro ubwo umukozi ushinzwe amashyamba mu murenge wa Bushenge Bwana Bangamwabo yatahaga mu rugo iwe ruherereye muri ako gace maze agatema n’umupanga umugore we bashakanye usanzwe nawe ari umukozi wa leta akaba ashinzwe iterambere ry’Akagari (SEDO)mu kagari ka Kamanyenya.

Amakuru agera kuri Muhabura aravuga ko uru rugo rw’aba bayobozi bombi rwari rusanzwe rutabanye neza dore ko umugabo ashinjwa n’umugore we ubusambanyi.

Uwavuganye na Muhabura kandi yavuze ko uwo mugore ushinzwe iterambere mu Kagari ka Kamanyenga madame Byukusenge Patricie yatemwe n’umugabo usanzwe ari umukozi w’Umurenge wa Bushenge mu mutwe ntiyapfa imana ikinga akaboko.

Yongeyeho kandi kuri ubu uyu mugore w’umuyobozi atwite inda y’amezi atandatu ku buryo arikwitabwaho n’abaganga .

Yagize ati:”Nyuma yo kumutema yahise ajyanwa kwa muganga kugirango yitabweho n’abaganga dore ko atwitiye inda uwo mugabo we y’amezi atandatu .”


Hakomeje kwibazwa ku cyaba cyateye uwo muyobozi gutema uwo mugore we ku buryo bwo gushaka kumwambura ubuzima.

Twashatse kumenya icyo ubuyobozi bw’umurenge wa Gihugndwe bubivugaho nti byadukundira kuko nta numwe witabye terefoni igendanwa.

Ubwo twakurikiranaga iby’iyi nkuru uy’umugore yahise ajyanwa mu bitaro bya Gihundwe maze umugabo we wamutemye yari yifungiranye mu nzu ,inzego z’umutekano zagose inzu ye kugirango afatwe .

Hari hashize ibihe abandi bayobozi barwanye uwitwa Ndabereye Augustin wari umuyobozi w’Akarere ka Musanze wungirije ushinzwe iterambere ry’ubukungu yari mu maboko ya RIB aho yari akurikiranweho gukubita umugore we akamukomeretsa.

icyo gihe Amakuru yari ya tangajwe na MUHABURA.RW yari yahawe n’umwe mu baturanyi be utariwashatse ko amazina ye atangazwa ya vugaga ko ku itariki ya 30 Kanama 2019 ni ari bwo Visi Meya Ndabereye yari ya kubise umugore we aramukomeretsa bikomeye aho yamukuruye imisatsi arakomereka mu buryo bukomeye.

Uwo mugore yahise yihutishwa mu bitaro bya Ruhengeri mu gihe umugabo we yahise atabwa muri yombi na RIB.

Mbabazi Modeste umuvugizi wa RIB icyo gihe yari yatangarije MUHABURA.RW ko uwo muyobozi ari gukurikiranwa na RIB, avuga ko agikusanya amakuru afatika ku byo Visi Meya Ndabereye yaba yara cyekwagaho .

Undi Muyobozi wa kubuze umugore n’uwitwa Kansiime James wari Umunyamabanga Nshingwabikorwa w’Akarere ka Gakenke mu ntara y’Amajyaruguru, yari mu maboko ya Polisi y’u Rwanda, ashinjwa kwandagaza umugore we, akoresheje ifoto isobanura ko uwo mugore yari yafatiwe mu cyuho arimo gusambana.

Kansiime yashakanye na Bamurange Grace w’imyaka 29, bari bafitanye abana babiri

Umwe mu bari hafi y’Umuryango wa Bamurange yari yatangaje ko Kansiime yajyaga amukubita akahukana, imiryango igaterana bagasubirana n’ubwo intonganya zitatindaga kugaruka.

Yagize ati ”…Ubwa kabiri James yamukubise telefoni mu maso, arahukana, umuryango wemeza ko dukodesha inzu tugashyiramo ibintu ngo abe atuyemo aho.”

Iyo nzu ngo yakodeshejwe mu Murenge wa Remera mu gihe Kansiime yari atuye mu Karere ka Kicukiro, umugabo agakorera mu Karere ka Gakenke yari abereye Umunyamabanga Nshingwabikorwa.

Denis Fabrice Nsengumuremyi/Muhabura.rw

Igitekerezo 1
  1. Tuyisenge avuga

    Akumiro ni amavunja pee

Subiza

Email Yawe Ntiribugaragazwe