Centrafrique :Perezida Emmanuel Macron nyuma y’U Rwanda nawe yamaganye inyeshyamba zikomeje kubuza abaturage amahoro

Repubulika ya Centrafrique iracyategereje kwemezwa n’Urukiko rw’Itegeko Nshinga ibyavuye mu gihe gito cy’amatora ya Perezida n’inteko ishinga amategeko yo ku ya 27 Ukuboza 2020. Kubera iyo mpamvu, umutekano uracyahungabana.

Ku munsi w’ejo ku wa gatandatu ,Radio France internationale MUHABURA.RW icyesha iyinkuru itangaza ko igitero gishya cyagabwe ku mujyi wa Bouar. Ibi bibaye kunshuro ya kabiri mu gihe kitarenze ibyumweru bibiri .

Radio France internationale yavuze ko Ku wa gatanu Perezida Macron na Touadéra bahuye. Bakanungurana ibitekerezo,Radio France internationale ivuga ko Emmanuel Macron yongeye “kwamagana byimazeyo” imitwe yitwaje intwaro ndetse n’abayobozi bamwe na bamwe ba politiki, barimo François Bozizé, bagerageza “guhungabanya amasezerano y’amahoro n’inzira y’amatora y’itegeko nshinga”.

Itangazo rya Elysee ryatangaje ko Perezida w’Ubufaransa kandi yitaye ku byavuye mu matora by’agateganyo mu gihe ashimangira ko hakenewe ibiganiro bya politiki byeruye kandi byuzuye. Gusa ibi bitangajwe mu gihe uruhare rwabafaransa muri iki gihugu rukunze kwibazwa cyangwa no kunengwa i Bangui. Nk’unko Radio France internationale ibitangaza.

Ibi bitangajwe nyuma y’igikorwa cya mbere cyabaye ku ya 23 Ukuboza, indege z’intambara za Mirage z’abasirikare b’Igihugu cy’Ubufaransa zagurutse ku butumburuke buke cyane mu burengerazuba bw’umurwa mukuru hanyuma zambukiranya umuhanda ujya Mbaiki kugera i Bimbo, ndetse n’imyanya iri ku mihanda igana Boali na Damara. Amakuru aturuka mu gisirikare cy’Ubufaransa avuga ko abahigi b’Abafaransa kandi bashyigikiye Faca na Minusca kuri Camp Leclerc, muri Bouar, bakora ingendo eshatu zidashidikanywaho hejuru y’ibirindiro by’ingabo zitwaje intwaro.

Kubera ko umujyi wa Bouar wongeye kwibasirwa n’urugomo ejo. Ingabo za Afrika yo hagati zishyigikiwe na Minusca zahanganye ningabo za CPC. Umutuzo wagarutse ahagana mu ma saa yine z’ijoro. Ku mugoroba wo ku wa gatandatu, umuvugizi wa guverinoma yijeje ko inyeshyamba zirukanywe mu mujyi.

Kuva Operation Sangaris ivaho, ingabo z’Ubufaransa zaragabanutse kugeza byibuze hamwe n’ishami rishinzwe ibikorwa byita ku kurinda ikibuga cy’indege. Kuva hashyirwaho ihuriro ry’intwaro mu Kuboza, ingabo z’u Rwanda n’ingabo z’Uburusiya zoherejwe mu masezerano y’ingabo zombi. Baje gushyigikira ingabo za Afurika yo hagati ku butaka.

*Bangoussou iyobowe ninyeshyamba

Sosiyete sivile kandi ihangayikishijwe no kuba hari imitwe yitwaje intwaro i Bangassou, iherereye mu birometero 750 mu burasirazuba bw’umurwa mukuru Bangui. Ku cyumweru gishize na we yibasiwe n’inyeshyamba. Ubu iyobowe nibintu bigize CPC, iri huriro ryimitwe yigometse.

Ntawe uzi umubare w’inyeshyamba ziri uwo mujyi. Ariko abaturage ibihumbi byinshi bahunze Bangassou, aho imiryango iharanira uburenganzira bwa kiremwa muntu itewe ubwoba bw’ingaruka z’ubutabazi impunzi zitarikubona bitewe no kuba hari imitwe yigometse muri uwo mujyi.

Abantu barenga 10,000 bahunze umujyi kuva inyeshyamba zagaba igitero cyatumye impunzi zihungira mu gihuru imbere izindi zihungira muri Kongo bituranye. Amakuru avuga ko abantu benshi barohamye, i Bangassou, bambuka uruzi rutandukanya umujyi na Repubulika Iharanira Demokarasi ya Kongo.

Perezida Kagame yagarutse ku kongerwa kw’ ingabo z’u Rwanda muri Repubulika ya Centrafrica avuga ko zongerewe kugira ngo zihashye ibitero by’inyeshyamba ziyobowe na François Bozizé ziri kugaba ku ngabo z’u Rwanda ziri mu butumwa bw’Umuryango w’Abibumbye/ONU.

Yabigarutseho ubwo yagezaga ku baturarwanda ishusho y’uko igihugu gihagaze uyu mwaka, mu kiganiro yagiranye n’abanyamakuru n’abaturage hirya no hino mu gihugu kuri uyu wa mbere tariki ya 21 Ukuboza 2020.

Yavuze ko u Rwanda rusanzwe rufite ingabo muri Centrafrique, aho ziri mu butumwa bw’Umuryango w’Abibumbye mu rwego rwo kubungabunga amahoro muri icyo gihugu.

Kubera ibikorwa by’amotora yabaye tariki 27 Ukuboza 2020 muri Centrafrica, byatumye imitwe y’inyeshyamba irwanya Leta iyobowe n’uwahoze ari perezida itangira ibikorwa byo gutera ibirindiro by’ingabo z’u Rwanda ziri mu butumwa bw’amahoro.

Icyo gihe yagize ati: “Haje itsinda ry’inyeshyamba ziyobowe n’uwahoze ari Perezida w’iki gihugu François Bozizé, ritera igihugu bavuye hanze yacyo. Nabwiwe ko intego y’izo nyeshyamba ari iyo guhungabanya imigendekere myiza y’amatora, ariko ikiriho ni uko zimwe muri zo zari zitumbiriye ingabo zacu.”

Avuga ko mu gihe gishize Ingabo z’u Rwanda zakoze akazi gakomeye ko kurinda abaturage, bituma inyeshyamba zifata umwanzuro wo gutera abasirikare b’u Rwanda bari mu butumwa bw’amahoro.

Ati: “Twongereye ingabo muri Centrafrica kugira ngo zihashye ibitero by’inyeshyamba ziyobowe na François Bozizé wigeze kuyobora iki gihugu, aho ziri kugaba ibitero ku ngabo z’u Rwanda ziri mu butumwa bw’Umuryango w’Abibumbye bwo kubungabunga amahoro muri icyo gihugu”.

Perezida Kagame yasobanuye ko abari mu butumwa bw’amahoro baba bafite ububasha bwo kwirwanaho no kurengera abasivili.

Guverinoma ya Repubulika ya Centrafrique yatangaje ko u Rwanda n’u Burusiya ari byo bizayicungira umutekano mu matora y’Umukuru w’Igihugu ateganijwe ku wa 27 Ukuboza 2020.

Mu itangazo Minisiteri y’Ububanyi n’Amahanga ya Centrafrique yashyize hanze ku wa 20 Ukuboza 2020, yavuze ko yitabaje u Rwanda n’u Burusiya nk’ibihugu bafitanye umubano kugira ngo biyifashe gucunga umutekano mu matora y’Umukuru w’Igihugu n’ay’Abagize Inteko Ishinga Amategeko.

Ryagiraga riti: “Mu rwego rwo kwimakaza umutekano mu bikorwa by’amatora, hasabwe ubufasha buturutse mu bihugu by’inshuti n’abavandimwe bya Repubulika y’u Rwanda n’u Burusiya buri mu murongo w’ubutwererane.”

“Ubu busabe, ibihugu byombi byavuzwe byabwakiriye neza ndetse bitegura ubufasha bwamaze kugera ku butaka bwa Repubulika ya Centrafrique.”

Ryashyizwe hanze rikurikirana n’iryo Minisiteri y’Ingabo y’u Rwanda yasohoye ku Cyumweru, tariki ya 20 Ukuboza 2020, rivuga ko Guverinoma y’u Rwanda yohereje ingabo zo kurinda umutekano w’ingabo zayo zishinzwe kugarura amahoro muri Centrafrique kandi zikazanacunga umutekano mu matora ateganyijwe muri icyo gihugu.

Itangazo ry’ingabo z’u Rwanda rivuga ko kohereza izo ngabo binakubiye mu masezerano mu bya gisirikare asanzweho ku mpande zombi. Rivuga ko ari nazo zizarinda umutekano w’amatora ya perezida .

Nta mubare watangajwe w’abasirikare u Rwanda rwohereje muri Centrafrique.

Nshimiyimana Emmanuel/MUHABURA.RW

Subiza

Email Yawe Ntiribugaragazwe