Pasiteri yiyemereye ko yasambanyije abakobwa be babiri bose akabatera inda

Umugabo wo mu gihugu cya Kenya mu gace Kirinyaga kari mu birometero 104 uvuye i Nairobi, yemereye urukiko ko yambanyije abakobwa be babiri bari munsi y’imyaka 18, akanabatera inda.

Kuri uyu wa Kabiri Tariki 5 Mutarama 2021,nibwo uyu mugabo w’imyaka 51 wari usanzwe ari umupasiteri mu Itorero rya ‘Akurino’, yemeye icyaha imbere y’urukiko aho ubwe yivugiye ko yasambanyije abakobwe be babiri, umwe ufite imyaka 14 n’undi w’imyaka 16.

Uyu mugabo yakoze aya morerwa mu bihe bibiri bitandukanye, aho icyaha cya mbere yagikoze hagati ya tariki ya 1 na 30 Kamena 2019, ikindi agikora hagati ya tariki ya 1 na 30 Kanama 2020.

Magingo aya umukobwa we w’imyaka 16 atwite inda y’amezi arindwi naho uw’imyaka 14 atwite iy’amezi atandatu.

Umucamanza,Anthony Mwicigi,ubwo yari mu rukiko yabajije uyu mugabo isano afitanye n’abo bakobwa ndetse niba koko yaragiranye urukundo ruganisha ku mibonano mpuzabitsina n’abakobwa be bikarangira abateye inda,maze nawe arabyemera.

Yagize ati“Yego ni abakobwa banjye….Narabasambanyije ubwo bose mbatera inda”.

Amakuru avuga ko nyuma y’uko abakorera ibi, yabateye ubwoba ababwira ko nihagira uwibeshya akabivuga azahura n’akaga. Gusa hari abagore babiri bo muri ako gace baje kubimenya maze batanga ikirego kuri polisi, bavuga ko bazatuza ari uko abo bana bahawe ubutabera.

Bivugwa Kandi ko nubwo uyu mupasiteri yagejejwe imbere y’urukiko kuwa kabiri ngo ntabwo yahise aburana kubera ko umushinjacyaha, Patricia Gikunju yasabye igihe gihagije cyo gushaka ibyemezo by’amavuko by’abo bana yafashe ku ngufu kugira ngo haboneke gihamya nyacyo cy’uko batujuje imyaka y’ubukure.

Umushinjacyaha n’itsinda rye bahise bahabwa igihe cy’iminsi ibiri, urukiko rwanzura ko uyu umugabo azongera kuburanishwa kuri uyu kane tariki ya 7 Mutarama 2021, akaba acumbikiwe kuri Sitasiyo ya polisi ya Sagana.

Subiza

Email Yawe Ntiribugaragazwe